Lajme

Beqiri: Shifrat me nga 200 të infektuar me koronavirus do të reflektohen me deri 9 vdekje në ditë në gusht

Beqiri: Shifrat me nga 200 të infektuar me koronavirus do të reflektohen me deri 9 vdekje në ditë në gusht
15:01 | 29 Korrik 2020

Merkur Beqiri, konsulent në menaxhimin e të dhënave ka thënë se shifrat me nga 200 të infektuar do të reflektohen në 7,8,9 vdekje në ditë në mes dhe në fund të gushtit.

Beqiri në një postim në rrjetin social Facebook shkruan se faktori i përhapjes së virusit R është 1.7, që sipas tij i bie që menaxhimi nuk është kontroll.

“Studimi nga Harvardi ka hulumtuar kohën e cila kalon nga konfirmimi i rasteve me COVID-19 deri te rastet e pashmangshme të vdekjes për disa nga ata. Përfundimi ishte se nga koha kur shfaqen simptomat deri te koha e vdekjes (për ata të cilët nuk e kanë fatin të shërohen), kalojnë 2 deri në 8 javë. Pra, numri i lartë i rasteve të konfirmuara sot, shprehet në numër të lartë të vdekjeve 2 deri në 8 javë më pas”, shkruan Beqiri.

Ai më tej thekson se Kosova e ka një trend të rasteve të konfirmuara ditore mbi 100 që nga fillimi i korrikut, dhe kjo do të reflektohet në numrin e lartë të rasteve të vdekjes vazhdimisht me disa javë vonesë, derisa të fillojë të ulet numri i infeksioneve.

“Tek ne pra, një paternë e cila mund të shihet që nga aeroplani, po tregon se në trendin e rasteve të reja në mbi 200 në dite, trendi i vdekjeve prej 7,8 ose 9 njerëz në dite pason pas 3-4 javëve në mesatare. Rastet e reja në numra mbi 200 në dite sot, do reflektohen në 7,8, 9 vdekje në dite në mes të gushtit dhe në fund të gushtit”, shkruan më tej.

“Një gjë e di, që situata duhet të menaxhohet për të pasur dëme minimale, e ajo d.m.th sa më pak vdekje. Ngjashëm si e bën Gjermania dhe disa shtete tjera. S’kemi ku ikim, por mund të minimizojmë vdekjet. Për momentin, me R=1.7 menaxhimi nuk është nën kontroll. Do bëhet Ok, vetëm kur R faktori i shpërhapjes të bie nën 1”, tha ai.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera