[wp-story]

Front TV

Bekë Berisha tregon se a do të kandidojë për kryetar të AAK-së

Bekë Berisha tregon se a do të kandidojë për kryetar të AAK-së
11:31 | 08 Shkurt 2020

Deputeti i Aleancës për Ardhmërinë e Kosovës (AAK), Bekë Berisha, në një intervistë për portalin Front Online, ka folur për zgjedhjet në këtë parti, pas dorëheqjes së Ramush Haradinajt nga posti i kryetari të këtij subjekti.

Berisha ka thënë se zgjedhjet në AAK pritet të mbahen brenda 4 muajsh, ku përveç kryetarit do të zgjidhen edhe organet e tjera të partisë.

LEXO EDHE: Kampioni e “tradhton” makiaton, deputeti i AAK-së po tenton të thyej rekord me çaj (Video)

“Është spekuluar shumë, as z.Haradinaj nuk është në krye të AAK-së sepse ne jemi në proces të zgjedhjeve, por as unë nuk jam anëtar i kryesisë d.m.th. në AAK kanë pushuar funksionet e të gjithë njerëzve deri në zgjedhje të reja që priten të përfundojnë për 4-5 muaj. Kjo nuk do të thotë që nuk do të jetë prapë z.Haradinaj kryetar pasi që ne aty e kemi pasur investimin tonë, në këto zgjedhje do të zgjidhet një kryesi e re me njerëz të rinj dhe do të vazhdojmë punët në parti”, ka deklaruar Berisha për “FrontOnline”.

Ai ka folur edhe për mundësinë e kandidimit të tij për postin e të parit të AAK-së.

Berisha tha se është në dorën e delegatëve zgjedhja e të parit të AAK-së.

“Unë nuk kam menduar që të kandidojë për kryetarë të AAK-së, mirëpo gara është e hapur kështu që në sistemin e ri zgjedhor mund të kandidojnë të gjithë,  është një listë e gjatë e njerëzve që deshën apo s’deshën je aty, vetëm mundësh me dalë dhe me paraqitë programin tënd dhe është në dorën e delegatëve zgjedhja e kryetarit pasi që është një delegat, një votë për tu zgjedhur kryetarë mund të ketë befasi, por mund të zgjidhet sërish z.Haradinaj”, tha Berisha.

Ramush Haradinaj pas zgjedhjeve të 6 tetorit u largua nga posti i kryetarit të AAK-së. Ai pati thënë se funksionin do ta ushtrojë si U.D i Kryetarit të AAK-së deri në zgjedhjet e reja të kësaj partie. /FrontOnline/

Bonus dhe Premium Kartela të cilat po i ofron Petrol Company, kartelat më të kërkuara nga klientët

Të tjera