Albin KurtiKryetari i Lëvizjes Vetëvendosjes, Albin Kurti, të hënën u ka dërguar letra Presidentit të Turqisë, Recep Tayyip Erdogan, dhe Kryeministrit të Izraelit, Benjamin Netanyahu.

Letra këto në të cilat fituesi i zgjedhjeve, ka shkruar se të dy vendet i sheh si vende mike dhe bashkëpunuese për të ardhmen e vendit. Derisa asnjë fjalë nuk e ka thënë për hapjen apo jo të ambasadës së Kosovës në Jerusalem.

Këto letra i ka komentuar njohësi i rrethanave politike në vend Behlul Beqaj, i cili e vlerëson faktin se ende pa u bërë kryeministër Kurti, Turqia dhe Izraeli kanë vendosur kontaktë me të.

“Është për tu respektuar fakti se ende pa marrë pushtetin, Turqia dhe Izraeli kanë vendosur kontakt me kryeministrin e ardhshëm”, thotë Beqaj.Beqaj në një prononcim për GazetaBlic thekson se këto dy shtete do të ndikojnë në rrugëtimin e shtetit të Kosovës drejt konsolidimit të brendshëm dhe jashtëm.Derisa shton se realizimi i takimeve është i domosdoshëm.

“S’do mend se këto dy shtete do të ndikojnë në rrugëtimin e shtetit të Kosovës drejt konsolidimit të brendshëm dhe jashtëm. Prandaj realizimi i takimeve është i domosdoshëm dhe i paanashkalueshëm”, deklaron Beqaj.

Ndërkohë, KQZ-ja mund të shpallë sot rezultatet përfundimtare të zgjedhjeve.Letrat e dërguara mund t’i gjeni në vazhdim: