Xherdan Shaqiri kërkohet me ngulm nga drejtori sportiv i Lazios, Igli Tare, i cili është duke e vëzhguar futbollistin shqiptar, raporton FrontOnline.
Këtë verë sulmuesi nga Kosova është përfolur shumë për një kalim te Lazio, transferim i cili me shumë mundësi do të finalizohet këtë verë.
Idenë e të veshurit të fanellës bardhekaltër e pëlqen edhe vetë Shaqiri.
Reprezentuesi i Zvicrës në një intervistë të dhënë së fundmi zbulon se është gati për një aventurë të re dhe se kalimi te Lazio do të ishte intrigues për të.
“Unë i thashë Liverpoolit se jam gati për një sfidë të re. Nuk kam marrë kërkesa të drejtpërdrejta. Lazio? Ata janë një klub i madh. Tare po bën një punë të shkëlqyeshme. Nëse është e vërtetë që ai më respekton, atëherë unë jam i nderuar. Sarri? Më pëlqen futbolli i tij sulmues. Do të ishte intriguese. Jam gati për një aventurë të re”, është shprehur Xherdan Shaqiri./FrontOnline/