×
  • Bota/Rajoni
  • Bota/Rajoni

    BE e shqetësuar për rrëmbimin e njërës prej lidereve opozitare bjelloruse

    FrontOnline
    07 Shtator 2020

    Bashkimi Evropian të hënën dënoi masat shtypëse të marra nga autoritetet bjelloruse kundër protestuesve që kërkojnë një transferim paqësor të pushtetit dhe shprehu shqetësimin për pretendimet e rrëmbimit të një prej drejtuesve të protestës, Maria Kalesnikava.

    “Ajo që po shohim në Bjellorusi është në fakt shtypja e vazhdueshme e qeverisë ndaj popullsisë civile,” tha zëdhënësi i Komisionit Evropian Peter Stano në një konferencë shtypi.

    Në Bjellorusi, protestat janë mbajtur çdo ditë që nga zgjedhjet e një muaji më parë. Të paktën 7,000 protestues u arrestuan dhe Kombet e Bashkuara morën 450 raporte të torturave dhe keqtrajtimeve të tyre.

    Alexander Lukashenko, një udhëheqës 66-vjeçar që ka qenë në pushtet për më shumë se një çerek shekulli, nuk lejon mosbindje.

    Media e pavarur bjelloruse Tut.by raporton se 38-vjeçarja Kalesnikava u rrëmbye nga një rrugë në qendër të Minskut të hënën në mëngjes. Burra të maskuar e morën atë me një furgon dhe nga ajo ngjarje çdo gjurmë e Kalesnikava humbet.

    Burimi i këtij raporti pohon se ajo nuk e regjistroi ngjarjen me telefonin e saj pasi kishte frikë se edhe ajo do të rrëmbehej.

    Kalesnikava është një aleate e udhëheqëses së opozitës Svetlana Tihanovskaja, e cila iku në Lituaninë fqinje. Drejtuesja e rrëmbyer e protestës është një anëtare e këshillit koordinues të Tikhanovskaya, e cila po kërkon negociata për një dorëzim paqësor të pushtetit në Bjellorusi.

    Ministri i Jashtëm lituanez Linas Linkeviçius theksoi se Kalesnikava ishte rrëmbyer dhe bëri thirrje për lirimin e saj të menjëhershëm.

    “Rrëmbimi i Kalesnikava në qendër të Minskut është i turpshëm,” tha ministri i jashtëm lituanez në Twitter.

    Një zëdhënës i Komisionit Evropian tha të hënën se shtypja nga autoritetet Bjelloruse ishte e papranueshme.

    BE është “thellësisht e shqetësuar për shtypjen e vazhdueshme dhe frikësimin e popullsisë nga arrestime të pashpjegueshme, shpesh arbitrare, arrestime të motivuara politikisht”.

    Shefi i politikës së jashtme të BE Josep Borrell theksoi se autoritetet bjelloruse kishin ndërmarrë “hapa brutalë” kundër Kalesnikava dhe përfaqësuesve të tjerë të opozitës.

    “Arrestimet dhe rrëmbimet arbitrare për arsye politike, përfshirë veprimet e sotme brutale kundër Andrei Jahorau, Irina Sukhki dhe Maria Kalesnikova, janë të papranueshme,” shkroi Borrel në Twitter.

    Lukashenko ka kërkuar ndihmë nga Rusia fqinje për të mbajtur pushtetin ndërsa zyrtarët evropianë e konsiderojnë mandatin e tij të paligjshëm.

    BE deklaroi zgjedhjet e 9 gushtit jo të lira dhe jo të drejta dhe ka dënuar vazhdimisht dhunën e qeverisë kundër protestuesve.

    Ministria e Brendshme bjelloruse njoftoi të hënën se më shumë se 600 njerëz ishin arrestuar në protesta një ditë më parë. Të dielën, dhjetëra mijëra njerëz u mblodhën para rezidencës së Lukashenkos, duke e thirrur përsëri që të largohej.

    Vëzhguesit thonë se më shumë se 100,000 njerëz u mblodhën në tubim, të cilin autoritetet e kanë shpallur të paligjshëm. Protestuesit u arrestuan gjithashtu në qytetet Brest, Grodno, Mogilev dhe Vitebsk.

    Kush janë parakushtet efektivitetit dhe efiçiencës?
    Nga Rubrika
    Bota/Rajoni28 Mars 2024
    EMSC njoftoi se të mërkurën në mbrëmje, rreth orës 22:19, veriu i Italisë u godit nga një tërmet i fortë. Sipas njoftimit...
    Bota/Rajoni28 Mars 2024
    Mashtrimi i nxitur nga trafikimi i qenieve njerëzore po shpërthen në Azinë Juglindore me rrjetet e krimit të organizuar që grumbullojnë rreth...
    Bota/Rajoni28 Mars 2024
    Ka ndërruar jetë sot në moshën 82-vjeçare ish-senatori amerikan, Joe Lieberman, i cili para gati dy dekadave kishte vizituar Kosovën. Ai ishte...
    Të tjera
    Lajme28 Mars 2024
    Komisioni Qendror i Zgjedhjeve ka miratuar dy rregullore zgjedhore gjatë mbledhjes së sotme. Rregulloret e miratuara janë: Rregullorja Zgjedhore Nr.09/2024 Regjistrimi dhe...
    Lajme28 Mars 2024
    Për shkak të mungesës së të akuzuarit Florim Laçi me mbrojtësin e tij, avokatin Ilmi Hoxha, si dhe të akuzuarit Avdush Qukovci,...
    Lajme28 Mars 2024
    Këshilli për Mbrojtjen e të Drejtave dhe Lirive të Njeriut (KMDLNj) ka thënë se Ministria e Shëndetësisë nuk është duke i mbajtur...
    Lajme28 Mars 2024
    Deputetja e Lidhjes Demokratike të Kosovës, Hykmete Bajrami, ka reaguar pasi nuk pati kuroum për votimin e themelimit të Komisionit Hetimor për...
    Lajme28 Mars 2024
    Partia Demokratike e Kosovës tanimë ka propozuar 9 Qershorin, si datë për zgjedhje të parakohshme në vend. Shefi i grupit parlamentar të...
    Vip28 Mars 2024
    Këngëtari dhe moderatori, Robert Berisha ka treguar aftësi edhe si fermer shumë i mirë. Ai së fundi është bërë pjesë e “Ferma...

    FrontOnline, © 2024 Të gjitha të drejtat e rezervuara.