Bashkësia Islame e Kosovës, ka reaguar ashpër pas sulmit terrorist të ditës së djeshme, ku mbetën të vdekur tre persona në Nice të Francës.
Në reagimin e tyre, thuhet se kt sulm terrorist ka për qëllim frikësimin dhe atakimin e vlerave humane dhe njerëzore.
Në reagimin e BIK-ut, theksohet se marrja e jetës së njeriut dhe atakimi i objekteve fetare, janë veprime që bien ndesh me parimet e feve.
“Fetë nuk kanë për qëllim përplasjet, dhunë e tmerret por kanë për qëllim udhëzimin dhe fisnikërimin e popujve dhe shoqërive tona”.
Reagimi i plotë:
Sulmi i djeshëm në Nice të Francës është akt i neveritshëm, terrorist, që ka për qëllim frikësimin dhe atakimin e vlerave humane e njerëzore. Bashkëndjejmë dhimbjen me familjarët e viktimave dhe popullin francez. Marrja e jetës së njeriut si dhe atakimi i objekteve fetare, janë veprim që bien ndesh me parimet e feve dhe mësimet e pejgamberëve.
Fetë nuk kanë për qëllim përplasjet, dhunë e tmerret por kanë për qëllim udhëzimin dhe fisnikërimin e popujve dhe shoqërive tona.
