×
  • Bota/Rajoni
  • Bota/Rajoni

    Basha: Rama më ofroi të bëhem kryeministër dhe ai të bëhej president

    FrontOnline
    10 Korrik 2020

    Vetëm pak minuta pas konferencës së kryeministrit të Shqipërisë Edi Rama, i cili paralajmëroi ndryshimin e Kushtetutës për hapjen e listave, nga selia blu, kreu i opozitës Lulzim Basha paralajmëroi prishjen e marrëveshjes së 5 Qershorit, të dakordësuar nga faktori ndërkombëtar me mazhorancën.

    “Në thelb sot ai ka prishur marrëveshjen e 5 Qershorit për të cilën u investuan forcat politike me ndërmjetësimin e BE, SHBA dhe Britanisë së Madhe në këtë marrëveshje ishte qendrore arritja e dakordësisë për reformën zgjedhore, kusht për hapjen e negociatave të Shqipërisë me BE. Kryeministri në ikje se prek dot Kushtetutën me 122 deputetë dhe çdo hap në këtë drejtim është dhunim i marrëveshjes së 5 Qershorit”.

    Pas asaj që e cilësoi maskaradë me hapjen e listave, Lulzim Basha tha se fshihet frika e Kryeministrit për rotacion politik e në këtë drejtim thotë se po bën çdo përpjekje për të ndalur koalicionet para elektorale.

    “Nëse Rama do kishte interes për listat e hapura, s’do e linte për pazar fund Korriku, të cilin OSBE e hodhi poshtë. S’ka budalla të besojë që Rama do lista të hapura, kur ne e shtruam në kohë vetë, Rama doli haptazi kundër listave të hapura. Nëse Rama është për lista të hapura s’ka nevojë për ndryshime kushtetuese se bëhet në kod”.

    Për herë të parë publikisht deklaroi se gjatë muajve Mars, Prill e Maj në këmbim të heqjes së koalicioneve, Kryeministri Rama i ka kërkuar ndërmjetësim për ta ngjitur atë në krye të karriges së tij, në këmbim të postit të Presidentit.

    “Nëse Edi Rama është për lista të hapura nuk ka nevojë për lista të hapura, nuk ka nevojë për ndryshime kushtetuese sepse është në Kod, ai i do ndryshimet në Kushtetutë për ndalimin e koalicioneve parazgjedhore. Për një muaj Edi Rama ka dërguar ndërmjetësit e tij duke thënë ti Kryeministër, unë President, vetëm të heqim koalicionet. Heqim koalicionet dhe ti Kryeministër dhe unë President”.

    Basha e ftoi Kryeministrin Rama t’i qëndrojë marrëveshjes së dakordësuar në 5 Qershor, duke u shprehur i hapur për ndryshimin e sistemit elektoral, një proces që sikundër tha duhet të jetë transparent e gjithpërfshirës e ku vendimmarrja të jetë pjesë e një referendumi popullor./Tv Klan

    Punimet në rrjet, KEDS njofton për vendet që s’do të kenë rrymë
    Nga Rubrika
    Bota/Rajoni28 Mars 2024
    Një aksident trafiku ka lënë të vdekur 45 persona në Afrikën e Jugut, pasi një autobus humbi kontrollin dhe ra nga një...
    Bota/Rajoni28 Mars 2024
    Aleanca për Shqiptarët e Ziadin Selës i bashkohet Frontit Evropian. Ky vendim erdhi pas mbledhjes së Kuvendit Qendror të kësaj partie. Pas...
    Bota/Rajoni28 Mars 2024
    Ajo që tronditi shumë një ekip ndërkombëtar mjekësh që vizitoi një spital në pjesën qendrore të Gazës, ishte numri i madh i...
    Të tjera
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...
    Lajme28 Mars 2024
    Kandidati për kryeministër nga radhët e Partisë Demokratike të Kosovës, Bedri Hamza, ka thënë se asnjë qeveri s’ka mundësi që t’i kryej...
    Lajme28 Mars 2024
    Policia e Kosovës është bërë pjesë e Taskforcës së Përbashkët të Migracionit me autoritetet ligjzbatuese të Republikës së Shqipërisë dhe të Mbretërisë...
    Lajme28 Mars 2024
    Kryetari i Lidhjes Demokratike të Kosovës (LDK), ka folur në Kuvend të Kosovës për tenderët njëburimore. Opozita edhe gjatë seancës së fundit...

    FrontOnline, © 2024 Të gjitha të drejtat e rezervuara.