Barcelona ka rënë dakord për transferimin e parë për vitin 2021 dhe Eric Garcia nga Manchester City thuhet se do të nënshkruajë një kontratë pesë-vjeçare, raporton Guardian.

Mbrojtësi 19-vjeçar spanjoll duket se po kthehet në klubin që e la si adoleshent 16-vjeçar. Ai nuk ka fituar shumë shanse nën Pep Guardiola, duke luajtur vetëm 30 ndeshje deri më tani, dhe ka luajtur vetëm shtatë herë këtë sezon.

Barcelona thuhet se u përpoq të sillte Garcia verën e kaluar, por City këmbënguli në 10 milionë euro dhe katalanasit nuk donin të paguanin. Tani ata ndoshta do ta humbin falas.

City ofroi të zgjasë kontratën e tij pesë muaj më parë, por Pep Guardiola tha publikisht se Garcia nuk dëshironte të zgjaste kontratën e tij.