Banorët e zonës “Qendër” në Prishtinë çdo natë po ballafaqohen me një telashe që për ta është goxha e madhe.
Atyre po u pengon zhurma e shkaktuar nga muzika e cila lëshohet me zë të lartë nga kafiteritë që veprojnë përreth, shkruan Front Online
Lokalet që bëjnë kështu, sipas një banori të këtushëm që deshi të mbesë anonim, janë: “Strip Depo”, “Babel”, “Journal”, “Lulu”, “Oh My” dhe “Annex”, të cilat veprimtarinë e tyre e ushtrojnë në katër lokacione të ndryshme, rrugën: “Rexhep Luci”, “Fehmi Agani”, “Nurie Zeka” dhe “Simon Shiroka”.
Si dëshmi për këtë ky banor që foli në emër të të gjithë banorëve tjerë që jetojnë në këto zona nisi në redaksinë e portalit Front Online edhe disa video të bëra sonte.
Bile, i njëjti qytetar, tregoi se gjërat për pak sa nuk eskaluan mbrëmë m`u për këtë arsye.
“Mbrëmë ndodhi një mosmarrëveshje ku banori deshi te del të rrokët me pronarët e kafiterive”, tregoi ai në kushte anonimiteti për Front Online.
Muzika më zë të madh, siç thonë disa banorë të tjerë, më së shumti po u pengon: të sëmurëve, të moshuarve dhe fëmijëve.
Për hallin që kanë, ata kanë lajmëruar disa herë edhe Policinë e Kosovës, por e cila sipas tyre nuk ka ndërmarrë asgjë.
Ndryshe pretendojnë se ndodhë kur ndryshohen anët e ankuesve.
“Policia vjen banorët vijnë menjëherë kur pronarët e lokaleve në fjalë paraqesin denoncim prej neve”, tregojnë disa prej banorëve.
Lidhur me këtë problem Front Online ka dërguar pyetje tek zyrtarët e këtij autoritet rendmbajtës, të cilët deri në publikimin e këtij teksti nuk kanë kthyer përgjigje.
Në komunën e Prishtinës thonë se zhurma e shkaktuar nga këto kafiteri nuk është diçka e re.
Pavarësisht gjobave që shqiptojnë, Adonis Tahiri, drejtor i Inspekcionit në këtë komunë, thotë se lokalet e kësaj hapësire nuk marrin vesh.
“Ka zhurmë. Nuk ndodh për herë të parë. Sa herë ka zhurmë qytetarët e dinë se duhet me thirr Policinë, në rast se policia e konsideron të nevojshëm na thirrin edhe neve, Inspekcionin. Shqiptojmë gjoba, përsëritet prapë. E dini me çfarë palësh kemi të bëjmë”, u shpreh Tahiri për Front Online.
Alternativë tjetër e fundit, sipas tij mbetet vetëm mbyllja e tyre.
