Ballkani ka zyrtarizuar Theophilus Solomon si futbollistin më të ri të skuadrës në këtë afat kalimtar të verës.
“Portokallezinjtë” e kanë zyrtarizuar sulmuesin e ri nëpërmjet një video të publikuar në faqen zyrtare.
Solomon ka nënshkruar kontratë dyvjeçare me skuadrën nga Suhareka.
“Futboll Klub Ballkani ka kënaqësinë të njoftojë se sulmuesi Theophilus Solomon është zyrtarisht pjesë e skuadrës sonë. Klubi ynë ka arritur ditën e sotme një marrëveshje 2 vjeçare me sulmuesin nga Nigeria. Prezantimi i sulmuesit do të bëhet ditët në vijim në Suharekë”, thuhet në njoftimin e Ballkanit.
25-vjeçari në karrierën e tij ka luajtur për Partizanin e Tiranës dhe atë të Beogradit.
Rijeka, Ujpesti e Omonia Nikosia gjithashtu ishin ndër skuadrat ku ai ka luajtur si futbollist.