×
  • Lajme
  • Bota/Rajoni
  • Bota/Rajoni

    Balla i PS-së përshëndet letrën e eurodeputetëve drejtuar Macronit dhe Ruttes për heqjen e vizave Kosovës

    FrontOnline
    07 Korrik 2020

    Kryetari i grupit parlamentar të Partisë Socialiste, Taulant Balla, ka përshëndetur letrën e 42 eurodeputetëve drejtuar presidentit francez, Macron dhe kryeministrit holandez, Rutte, për të hequr vizat për Kosovën në fund të 2020-s. Është zv.Presidenti i Grupit të Partive Popullore Evropiane (PPE) në Parlamentin Evropian, bullgari Andrey Kovatchev, ai i cili publikon edhe letrat teksa, thotë se ka kërkuar në letër heqjen e vizave për Kosovën, pasi kjo e fundit ka përmbushur të gjitha standardet prej 2 vjetësh.

    “Së bashku me 41 eurodeputetët, unë bashkënënshkrova 2 letra, duke i dërguar Presidentit të Francës, Macron dhe kryeministrit holandez Rutte një kërkesë për heqjen e vizave për qytetarët e Kosovës në Këshillin Evropian nga fundi i vitit 2020. Kanë kaluar 2 vjet qëkur Kosova ka përmbushur të gjitha standardet e teknologjisë, vetëm kështu BE mund të jetë një ndërmjetës i drejtë!’’- shkruan Kovatchev.

    Nga ana tjetër, Balla thotë se BE-ja po humbet besueshmërinë dhe kredibilitetin, duke mos respektuar përmbushjen e standardeve nga ana e Kosovës. ‘’Plotësisht dakord me Andrey Kovatchev që BE-ja po humbet kredibilitet dhe besueshmërinë duke mos respektuar Kosovën për përmbushjen e të gjitha standardeve teknike. Faleminderit të gjithë eurodeputetëve nga të gjitha grupet politike për mbështetjen e madhe të treguar nëpërmjet letrave dërguar Presidentit Macron dhe kryeministrit holandez.’’- shkruan Balla.

    Përshëndetja e Taulant Ballës ndaj letrës së 42 eurodeputetëve ku kërkojnë heqjen e vizave për Kosovën, pason kritikat e ashpra e të përsëritura të shefit të tij, Edi Rama, ndaj BE-së për mungesën e vizave për Kosovën.

    “Është një turp për Bashkimin Evropian që sot e gjithë ditën mban peng një popull. I vetmi popull, në fakt, i marrë peng në kontinentin tonë, që ende ndalohet të lëvizë lirisht si të gjithë të tjerët, pasi si shtet i ka plotësuar të gjitha detyrimet që duhet të plotësojë çdo shtet, përpara se të marrë liberalizimin e vizave. E dimë shumë mirë arsyen ‘pse’. Arsyeja nuk gjendet në Kosovë, arsyeja nuk gjendet në ndonjë paaftësi të Kosovës për të përmbushur detyrimet në raport me procesin e lëvizjes së lirë. Detyrimet janë përmbushur dhe janë njohur si të përmbushura nga vetë Komisioni Evropian. Arsyeja është në Evropë, arsyeja është në politikën e brendshme të Bashkimit Evropian, të vendeve të ndryshme, që gjithmonë e më shumë, kur marrin vendime për ne, nisen nga kalkulimet për qëndrueshmërinë elektorale të forcave politike që qeverisin. Ky nuk është as një sekret, ky nuk është as një turp në vetvete. Turpi është që Kosova sot nuk lëviz e lirë, jo si rezultat i ndonjë faji, apo ndonjë përgjegjësie të sajën, por si rezultat i refuzimit që i bëhet nga Bashkimi Evropian”, deklaroi kryeministri I Shqipërisë, Edi Rama në konferencën e përbashkët për shtyp me kryeministrin e Kosovës, Abdullah Hoti më 3 korrik në Tiranë.

    “Devolli Corporation” shpallet Punëdhënësi, Eksportuesi dhe Tatimpaguesi i vitit 2023, e vetmja korporatë që rrëmben tri çmimet e OEK
    Nga Rubrika
    Lajme29 Mars 2024
    Zëvendëskryeministri i Kosovës, Besnik Bislimi dhe ministrja për Çështje Evropiane të Malit të Zi, Maida Gorçeviç, deklaruan se Mali i Zi nuk...
    Lajme29 Mars 2024
    Punëtorët e Telekomit të Kosovës, nuk i kanë marrë ende pagat, për shkak të bllokimit të llogarive financiare. Ata në shenjë pakënaqësie...
    Lajme29 Mars 2024
    Presidentja Vjosa Osmani ka falënderuar të gjithë ata që po e përkrahin Kosovën në procesin e anëtarësimit në Këshillin e Europës. Ajo...
    Të tjera
    Lajme29 Mars 2024
    Kryetari i Kuvendit të Kosovës, Glauk Konjufca, ka shprehur qëndrimin e tij pro themelimit të cdo komisioni hetimor dhe se për këtë...
    Lajme29 Mars 2024
    Kryetari i Kuvendit, Glauk Konjufca, ka thënë se qeveria nuk ka arsye të japë dorëheqje. Këtë deklaratë ai e bëri para mediave...
    Lajme29 Mars 2024
    Tri seanca plenare do të mbahen në javën e ardhshme në Kuvendin e Kosovës. Kështu ka bërë të ditur shefja e grupit...
    Lajme29 Mars 2024
    Ambasadori i Kosovës në Kroaci, Martin Berishaj, po intervistohet nga Prokuroria e Speciale në Prishtinë. Sipas RTK-së, Berishaj gjendet në Prokurorinë Speciale...
    Lajme29 Mars 2024
    Instituti Kombëtar i Shëndetësisë Publike të Kosovës gjatë mbikëqyrjes permanente të situatës epidemiologjike në vend ka konstatuar një rritje të lehtë të...
    Lajme29 Mars 2024
    Shefi i grupit parlamentar i LDK-së, Arben Gashi, konsideron se sot është njëra ndër ditët më të këqija të parlamentarizmit në Kosovë....

    FrontOnline, © 2024 Të gjitha të drejtat e rezervuara.