Deputeti i Lëvizjes Vetëvendosje në Kuvendin e Kosovës, Mefail Bajqinovci, ka parashikuar se pas zgjedhjeve në Komunën e Podujevës, do ketë përmirësim marrëdhëniesh midis PDK’së dhe LDK’së.
Bajqinovci i ka bërë këto komente në Facebook’un e tij, ndonëse nuk është vërejtur ndonjë shkëndijë midis këtyre dy partive.
“Koalicioni në nivelin qendror mes LDK-së dhe PDK-së do të kristalizohet menjëherë pas zgjedhjeve në komunën e Podujevës”, ka thënë ai.
Zgjedhjet në Podujevë priten të mbahen më 29 nëntor të këtij viti.
Kandidat për LDK’në do jetë Nexhmi Rudari, teksa nga radhët e VV’së Shpejtim Bulliqi. Në PDK e kanë vënë kandidat Naim Fetahun.
