[wp-story]

Lajme

Avokati i Hashim Thaçit përmendet si kandidat i mundshëm i LDK-së për kryetar të Prishtinës

Avokati i Hashim Thaçit përmendet si kandidat i mundshëm i LDK-së për kryetar të Prishtinës
13:11 | 21 Prill 2021

Qytetarët e Kosovës pas gjashtë muajve do të ushtrojnë sërish të drejtën e votës për të zgjedhur kryetarin e ri të komunës në zgjedhjet lokale që pritet të mbahen në muajin tetor. Gara më e nxehtë pritet të jetë ajo për të parin e kryeqytetit ndërmjet dy partive më të mëdha, Lidhjes Demokratike të Kosovës (LDK) dhe Lëvizjes Vetëvendosjes (LVV).

Tanimë kanë nisur të përfolën edhe emra të mundshëm të kandidatëve nga subjektet politike që do të kandidojnë për të marrë timonin e komunës së Prishtinës.

avokati i ish-presidentit Hashim Thaçi, Dastid Pallaska është duke u përmendur brenda Lidhjes Demokratike si kandidat potencial për kryetar të Prishtinës, shkruan Syri Kosova.

Por, Pallaska e ka mohuar mundësinë e të qenurit kandidatë nga LDK-ja.

“Absolutisht nuk kam asnjë informacion të tillë. As në mendje nuk më ka shkruar mua e nuk besoj që i ka shkruar edhe dikujt tjetër”, tha shkurt Pallaska për Syri Kosova.

Nga partia e Lumir Abdixhikut si kandidat tjetër i mundshëm është lakuar edhe emri i zëdhënësit të kësaj partie njëherësh ish-ministër i Bujqësisë, Besian Mustafa si kandidat i mundshme për kryetar të Prishtinës.

Një emër tjetër që është përmendur nga ky subjekt politik është edhe ish-ministrja e Kulturës nga kjo parti, Vlora Dumoshi.

LDK është partia që e ka udhëhequr për një kohë të gjatë Prishtinën, derisa Isa Mustafa humbi në balotazh përballë Shpend Ahmetit, në atë kohë kandidat i Vetëvendosjes.

Në zgjedhjet e fundit parlamentare, në Prishtinë Vetëvendosja doli bindshëm e para, por nuk dihet se cili do të jetë kandidati i kësaj partie.

Kush ështe kosovari THE VICTOR që synon tregun e jashtëm? (video)

Të tjera