[wp-story]

Lajme

Avdyli: Shkarkimi i Vjosa Osmanit, do t’i kthehet bumerang Isa Mustafës

Avdyli: Shkarkimi i Vjosa Osmanit, do t’i kthehet bumerang Isa Mustafës
14:56 | 20 Qershor 2020

Kryetari i Lidhjes Demokratike të Kosovës Isa Mustafa ju ka kërkuar sot anëtarëve të Këshillit të Përgjithshëm të kësaj partie që të votohet shkarkimi i Vjosa Osmanit nga posti i nënkryetares dhe anëtares së Kryesisë së LDK-së.

I kontaktuar nga Front Online, deputeti i LDK-së Haxhi Avdyli ka thënë se një propozim i tillë i kryetarit të kësaj partie, do t’i kthehet “bumerang” këtij të fundit si dhe anëtarëve të cilët do ta votojnë atë.

“Ky diferencim që ka filluar sot, do t’i kthehet bumerang dikujt, dhe ky diferencim ka për të ndodhur vetëm për iniciatorët e këtij diferencimi. Do të ndodh kur votuesi i LDK-së do ta diferencon Isa Mustafën dhe gjithë përkrahësit e tij”, ka pohuar Avdyli për Front Online.

Avdyli i cili ka votuar kundër kësaj kërkese, deklaroi se një propozim i tillë është i ngjashëm me sistemet e kaluara.

Ai e ka quajtur lajm të rëndë për Kosovën një kërkesë të tillë të Isa Mustafës.

“Ky diferencim që nuk i përngjanë demokracisë por sistemeve të kaluara, është një lajm i rëndë për demokracinë jo vetëm në LDK por edhe në Kosovë”, tha Avdyli për Front Online.

Sipas tij, politikanët që gëzojnë besimin e qytetarëve nuk mund t’i diferencojë askush.

“Njerëzit të cilët e kanë besimin e qytetarëve nuk mund t’i diferencon askush, por, i diferencon vetëm vota e qytetarëve. Ndërsa, ky diferencim që ka filluar sot do t’i kthehet bumerang dikujt, dhe ky diferencim ka për të ndodhur vetëm për ata iniciatorët e këtij diferencimi. Do të ndodh kur votuesi i LDK-së do t’a diferencon Isa Mustafën dhe gjithë përkrahësit e tij”, përfundoi Avdyli.

Kujtojmë se gjatë ditës së sotme në një letër drejtuar Këshillit të Përgjithshëm të partisë, kryetari i LDK-së, Isa Mustafa ka kërkuar që Avdullah Hoti të marrë pozicionin e tanishëm të Vjosa Osmanit. /FrontOnline/

Isa Mustafa i hakmerret Vjosa Osmanit, propozon largimin nga pozita e nënkryetares së LDK-së (Dokument)

Kush ështe kosovari THE VICTOR që synon tregun e jashtëm? (video)

Të tjera