Bota/Rajoni

Australia jep dy milionë dollarë donacion për Libanin

Australia jep dy milionë dollarë donacion për Libanin
15:25 | 05 Gusht 2020

Autoritetet australiane kanë njoftuar se do t’ia dhurojnë Libanit dy milionë dollarë australianë si ndihmë pas shpërthimit shkatërrues që ndodhi të martën në Bejrut, ku humbën jetën më shumë se 100 persona.

Lajmin për dhurimin e këtij donacioni e bëri të ditur ministrja australiane për Punë të Jashtme, Marise Payne, shkruan “The Guardian”.

Një milion dollarë australianë do të ndahen për Programin Botëror të Ushqimit, ndërsa një milion për Kryqin e Kuq.

Ministrja gjithashtu njoftoi se në këtë tragjedi ka humbur jetën edhe një australian, duke shprehur ngushëllime për familjarët dhe miqtë.

“Zemrat tona janë me njerëzit e Libanit dhe me ata që janë të brengosur për miqtë dhe familjen”, thuhet mes tjerash në deklaratë.

1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj

Të tjera