Sport

Ashtu siç raportoi FrontOnline, FFK-ja nuk arriti dot marrëveshje me BKT-n, tash i ndan vet çmimet për “Yllin e Javës”

Ashtu siç raportoi FrontOnline, FFK-ja nuk arriti dot marrëveshje me BKT-n, tash i ndan vet çmimet për “Yllin e Javës”
08:30 | 16 Gusht 2022

Më 10 gusht, disa ditë para fillimit të edicionit të ri në Superligën e Kosovës në futboll, FrontOnline raportoi ekskluzivisht se Federata e Futbollit e Kosovës nuk ka arritur marrëveshje me BKT-n për sponsorizim në këtë kampanjë.

Ekskluzive: Federata e Futbollit e Kosovës nuk arrinë marrëveshje sponsorizimi me BKT-n

Ashtu siç raportoi portali, palët nuk kanë mundur ta arrijnë marrëveshjen, andaj kampionati elitar i futbollit në vend do të quhet vetëm “Superliga e Kosovës” dhe jo “BKT Superliga” sikurse në edicionin paraprak.

Madje, dje (e hëne), FFK-ja në rrjetin social “Facebook” ka ndarë çmimin “Ylli i Javës” për Christian Mba e Trepçës ’89, gjë të cilën e kryente banka në fjalë në edicionin e kaluar.

Bashkëpunimi mes FFK-së dhe bankës në fjalë ishte i mirë, derisa sponsori ndante edhe çmimet për futbollistin më të mirë të javës pas çdo xhiroje.

Nuk dihet nëse FFK-ja do të gjejë ndonjë sponsor të ri së shpejti.

Ndryshe, edicioni i ri në Superligën e Kosovës nisi në fundjavë me shumë ndeshje interesante, teksa xhiro e radhës luhet në fundjavë./FrontOnline/

EKSKULZIVE: Art Motion dhe Klan Kosova fitojnë të drejtën televizive të Superligës, Ligës së parë si dhe Kupës së Kosovës 

Të tjera