Asamblisti i Lidhjes Demokratike të Kosovës, nga Komuna e Podujevës, Bahri Blakçori sot i është bashkuar Lëvizjes Vetëvendosje.
Këtë e ka bërë të ditur përmes një postimi në profilin e tij në rrjetin social Facebook, kryetari i VV-së, Albin Kurti.
Postimi i tij i plotë:
Bahri Blakçori, asambleist i LDK-së në Komunën e Podujevës, na u bashkua në VETËVENDOSJE!.
Ai ka diplomuar në nivelin Master në Edukim Fizik dhe Sport si dhe në atë Bachelor në Teknologji Informative. Punon në shkollën e mesme të lartë “Aleksandër Xhuvani” në Podujevë si profesor i Edukimit Fizik dhe Sportit. Ka qenë i angazhuar si asistent edhe profesor në Kolegjin “UNIVERSI”. Po ashtu, ka qenë trajner për disa vite në klubin e futbollit “Llapi” me gjeneratën U-19. Në vitet 1997-1998 në katedrën e Politeknikës ishte kryetar dhe udhëheqës i aktivitetit dhe protestave studentore.
Në Lëvizje e mirëpritëm me Kryetarin e Komunës së Podujevës, Shpejtim Bulliqi, dhe Drejtorin e Arsimit atje, Avni Fetahu./FrontOnline/
https://www.facebook.com/albini2017/posts/1040209506478933
