Kur futbollisti shqiptar i Arsenalit, Granit Xhaka pësoi një lëndim në gju kundër Tottenhamit më 26 shtator, ai nuk pritej të kthehej deri në fund të këtij viti.
Por, mesfushori nga Prishtina u rikthye në formacionin titullar të hënën mbrëma kundër Evertonit, një muaj para parashikimeve.
Rikthimit të Xhakës në fushë i është gëzuar edhe trajneri i “Topçinjve”, Mikel Arteta, i cili u shpreh i lumtur.
“Është e mrekullueshme rikthimi i tij. Është mënyra se si ai punon dhe është mënyra sesi ai është”, tha Arteta për faqen zyrtare të klubit.
“Merita për ekipin mjekësor, si dhe për punën që ata kanë bërë dhe është e mrekullueshme që ai të kthehet”, shtoi tutje tekniku anglez.
29-vjeçari në ndeshjen ndaj Evertonit (2-1) u aktivizua nga minuta e parë deri në të fundit.