[wp-story]

Lajme

Arrestohet vrasësi me pagesë, kryente vrasje e vendoste eksplozive në Kosovë e Shqipëri, policia jep detajet (VIDEO)

Arrestohet vrasësi me pagesë, kryente vrasje e vendoste eksplozive në Kosovë e Shqipëri, policia jep detajet (VIDEO)
16:46 | 02 Tetor 2020

Ka përfunduar në prangat e Policisë së Shqipërisë një person me rrezikshmëri të lartë shoqërore në fushën e krimeve ndaj personit.

I arrestuari është shtetasi Dod Gjikolaj, 41 vjeç, i cili dyshohet si vrasës me pagesë për disa vrasje në Kosovë, me armë zjarri dhe eksploziv.

Njoftimi i policisë:

Fast Albania, në bashkëpunim me Fast Kosova, DVP Gjirokastër, Lezhë e Shkodër dhe Interpol Tirana, në kuadër të operacionit të koduar “Kalaja” kapën një 41-vjeçar të dyshuar si vrasës me pagesë për disa vrasje në Kosovë, me armë zjarri dhe ekspolziv.

Në zbatim të planit të masave për kapjen e personave që qarkullojnë me armë zjarri, atë që janë të shpallur në kërkim kombëtar e ndërkombëtar, apo që kryejnë trafiqe të paligjshme, falë informacioneve policore dhe koordinimit të veprimeve u organizua dhe u finalizua operacioni policor i koduar “Kalaja”.

Në kuadër të këtij operacioni i cili u zhvillua nga Fast Albania, DVP Gjirokastër, DVP Lezhë e Shkodër, Interpol Tirana dhe Fast Kosova, u bë e mundur lokalizimi i vendndodhjes në Gjirokastër dhe më pas kapja e shtetasit shumë të kërkuar nga drejtësia e Kosovës, D. Gj., 41 vjeç, banues në Velipojë Shkodër.

Ndalimi i këtij shtetasi u bë pasi Gjykata Themelore në Gjakovë, Departamenti për Krimet e Rënda me Vendim nr.26/18, datë 06.07.2020, ka lëshur urdhër arresti ndërkombëtar në ngarkim të këtij shtetasi për veprat penale “Vrasje” dhe “Armëmbajtje pa leje të armëve dhe municioneve luftarake dhe shpërthyese”.

Ky shtetas dyshohet si vrasës me pagesë për një sërë ngjarjesh me eksploziv e armë zjarri në Kosovë.

“Petrol Company” ndihmon më shumë se 200 familje për festën e Fitër Bajramit (VIDEO)

Të tjera