Policia e Kosovës ka njoftuar se ka arrestuar një person të moshës 20 vjeç për vjedhje të rënda.
Sipas Policisë, rastet kanë ndodhur gjatë muajit shtator 2023, në intervale të ndryshme kohore, kryesisht në zonën e stacionit policor Veriu në Prishtinë.
Personi i dyshuar me vendim prokurorit të shtetit është dërguar në mbajtje, dhe ndaj tij është iniciuar procedurë për së paku 5 raste të vjedhjeve dhe vjedhjeve të rënda.
Njoftimi i plotë:
Arrestohet një person i dyshuar për disa vjedhje dhe vjedhje të rënda
Mbrëmë nga njësite policore të stacionit Veriu në Prishtinë, është arrestuar një person i dyshuar për disa vjedhje dhe vjedhje të rënda.
Rastet kanë ndodhë në gjatë muajit shtator 2023, në intervale të ndryshme kohore, kryesisht në zonën e stacionit policor Veriu në Prishtinë.
Puna e hetuesve të stacionit policor është finalizuar mbrëmë, ku pas marrjes së disa veprimeve operative kanë arrit që të arrestojnë personin e dyshuar:
– G.K, mashkull, 20 vjeç, shtetas i Republikës së Kosovës.
Personi i dyshuar me vendim prokurorit të shtetit është dërguar në mbajtje, dhe ndaj tij është iniciuar procedurë për së paku 5 raste të vjedhjeve dhe vjedhjeve të rënda.
