Policia e Kosovës, dje ka arrestuar dy persona në fshatin Kaçibeg të Podujevës për posedim të substancave të dyshuara narkotike.

Me urdhër te gjykatësit janë kontrolluar dy shtëpitë e të dyshuarve ku në njërën prej tyre janë gjetur dhe sekuestruar:  një pushkë gjuetie dhe një pistoletë me 5 fishekë.

Njoftimi i policisë:

Fsh. Kaçibeg, Podujevë 25.10.2021 – 10:15. Janë arrestuar dy të dyshuar meshkuj kosovarë nën dyshimin se të njëjtit posedojnë substanca të dyshuar narkotike. Njëri nga të dyshuarit në stacion policor me telefon iu ka dhënë mundësia që të kontakton avokati i tij mbrojtës, por ai ka tentuar të njoftoj familjaret për t’i larguar armët. Me urdhër te gjykatësit janë kontrolluar dy shtëpitë e të dyshuarve ku në njërën prej tyre janë gjetur dhe sekuestruar:  një pushkë gjuetie dhe një pistoletë me 5 fishekë. Në konsultim me prokurorin janë iniciuar lëndët e rasteve, ndërsa  të dyshuarit pas intervistimit janë liruar në procedurë të rregullt.