Drejtoria për Hetimin e Krimeve Ekonomike dhe Korrupsionit është duke zhvilluar një aksion në Prishtinë.
Si rezultat, gjashtë persona janë arrestuar, teksa dyshohet se të arrestuarit kanë poseduar 120,000 euro të ngjyrosura.
Gjashtë të arrestuarit, sipas Sinjalit, dyshohen edhe për pastrim parash.
Zhvillimi i operacionit është konfirmuar për Front Online edhe nga zëdhënësi i Policisë së Kosovës, Bajram Krasniqi.
“Mund të konfirmojmë se Policia e Kosovës, konkretisht hetuesit policorë të Drejtorisë për Hetimin e Krimeve Ekonomike dhe Korrupsionit, janë duke e realizuar një operacion policor në rajonin e Prishtinës”, tha ai “Front Online”.
