Aronia është një frutë e pasur me antioksidues. Konsiderohet se përfitimet shëndetësore të aroniave janë jashtëzakonisht të mëdha dhe klasifikohet si një nga frutat më të shëndetshme. Deri më sot, disa studime të mëdha gjithëpërfshirëse kanë testuar efektet e aronisë në shëndetin e njeriut. Në një studim të vogël të botuar në 2010, studiuesit zbuluan se nga ekstrakti i aronisë mund të përfitojnë njerëz me sindromën metabolike – një sërë problemesh shëndetësore që lidhen me një rrezik në rritje të sëmundjeve të zemrës dhe diabetit, duke përfshirë dhjamin e tepërt të barkut, kolesterolin e lartë, presionin e lartë të gjakut dhe inflamacionin.

Aronia mund të ndihmojë në kontrollin e sheqerit në gjak tek njerëzit me diabet. Pasi pinë 200 mililitra lëng aronie pa sheqer çdo ditë për tre muaj, pacientët me diabet treguan një ulje të niveleve të sheqerit në gjak të agjërimit. Studime të tjera paraprake janë duke hetuar përdorimin e mundshëm të ekstraktit të aronisë në trajtimin e hipertensionit dhe kushteve të lidhura kardiovaskulare./FrontOnline/