Bota/Rajoni

Arifi mban takim online me ministrin e Bujqësisë, diskutohet për mbështetjen e fermerëve

Arifi mban takim online me ministrin e Bujqësisë, diskutohet për mbështetjen e fermerëve
10:47 | 11 Shtator 2020

Drejtori i Bujqësisë, Pylltarisë dhe Zhvillimit Rural, Naim Arifi, ka mbajtur një takim online me ministrin e Bujqësisë, Besian Mustafa, kryetarët e komunave dhe drejtorët e DBPZHR-së.

Gjatë këtij takimi u diskutua për sfidat dhe vështirësitë që po ballafaqohen fermerët e të gjitha komunave gjatë periudhës së pandemisë.

Drejtori i DBPZHR-së, Naim Arifi, ka falënderuar ministrin Besian Mustafa, për mbështetjen e vazhdueshme ndaj fermerëve dhe komunave.

“Sot, së bashku me kryetarët e komunave dhe drejtorët e bujqësisë, kemi mbajtur një takim online me ministrin e Bujqësisë Besian Mustafa, me të cilët biseduam për sfidat dhe vështirësitë që po ballafaqohen fermerët në këtë kohë pandemie. Falënderova ministrin Mustafa për bashkëpunimin e vazhdueshëm me komunat. I jam mirënjohës për gatishmërinë e treguar përgjatë gjithë kësaj kohe”, tha ai.

Gjithashtu drejtori Arifi ia ka drejtuar edhe disa kërkesa ministrit.

“Kërkesat tona për Ministrinë e Bujqësisë janë:

* Kërkova nga ministri që të hapen tregjet për shitjen e kafshëve,

*Të bëhet sa më shpejtë kompenzimi i dëmeve nga breshëri,

*Një çështje tjetër që është kërkesë e fermerëve dhe drejtorisë, është që të mos vonohen pagesat direkte për subvencione për këtë vit.

*Të bëhet vlerësimi si dhe shpallja e rezultateve për aplikacionet e dorëzuara në fazën e parë për grante 2020.

*Po ashtu, kërkova që të hapet sa më shpejt thirrja për grante, për masat 101-sektori i qumështit nga lopët qumështore, deleve dhe dhitë. Sektori i majmërisë së viqave, sektori i pemëve manore, sektori i vezëve dhe zhvillimit të turizmit”, ka shtuar Arifi.

Me rastin e Black Friday, 28 Nëntorit dhe 32 vjetorin e kompanisë, Petrol Company me çmime marramendëse në derivate dhe…

Të tjera