Kandidati për deputet nga radhët e Aleancës për Ardhmërin e Kosovës, Ardian Gjini ka thënë se Albin Kurti po e do mandatin e tretë për veten e tij dhe jo për qytetarët e Kosovës, pasi siq thotë ai, në këto rrethana të krijuara, cilido politikan që e do vendin dhe popullin e vet do të duhet të jepte dorëheqje, jo të kërkonte mandat tjetër.
“Në rrethanat e krijuara, cilido politikan që e do vendin dhe popullin e vet do duhej të jepte dorëheqje, jo të kërkonte mandat të tretë. Por ky e do mandatin për veten e tij, jo për qytetarët e Kosovës. Çdo ditë dalin në sipërfaqe afera korruptive, aleatët na kanë braktisur, Kurti për interes të vetin don me na lënë vetëm. Nëse nuk jep dorëheqje ka me e heq populli”, ka thënë Gjini.
Gjini tutje ka thënë se detyrë e një shërbyesit të shtetit është ti ndihmojë njerzit dhe jo ti izoloj e ti hasmëroj mes vete.
“Detyra e parë e një shërbyesi të shtetit është të ndihmojë njerëzit që të kuptohen me njëri-tjertin dhe të ecin së bashku duke bashkëvepruar, e jo ti izoloj e ti hasmërojë mes vete. Prioritetet e Aleancës i prezentova edhe sonte me qytetarë në Bashkësitë Lokale Lipovec, Gërçinë e Bishtazhin.Jemi bashkë pa dallim për ndryshimin e domosdoshëm që i duhet këtij vendi me 9 Shkurt”, është shprehur tutje Gjini.