[wp-story]

Lajme

Arben Gashi tregon kur do të mbahet seanca për votimin e Ligjit të Rimëkëmbjes

Arben Gashi tregon kur do të mbahet seanca për votimin e Ligjit të Rimëkëmbjes
12:14 | 24 Nëntor 2020

Projektligji për Rimëkëmbje Ekonomike ka dështuar në lexim të dytë në Kuvendin e Kosovës për shkak të kuorumit.

Ky Projektligj nuk është sjellë ende në Kuvend për shkak se koalicioni qeverisës nuk i ka numrat për ta kaluar këtë Projektligj.

Shefi i grupit parlamentar të LDK-së, Arben Gashi, për Front Online tha se projektligji do të dërgohet në Kuvend për votim në momentin që e sigurojnë shumicën parlamentare.

“Sapo të krijohen kushtet do te riaktualizohet, kushtet janë që ta krijomë shumicën për ta kaluar projektligjin”, tha Gashi.

Ai tha se shpreson që javën e ardhshme do të krijohen kushtet për ta dërguar projektligjin në Kuvend.

“Seanca do të thirret kur të krijohen kushtet, shpresoj që javën e ardhshme”, u shpreh Gashi për Front Online.

I pyetur se a i kanë votat e Listës Serbe për projektligjin pas deklaratave të tyre se janë duke e shqyrtuar mundësinë të largohen nga koalicioni, Gashi nuk pranoi të flasë.

“Nuk flas në emër të Listës Serbe”, tha ai./Front Online/

“Petrol Company” ndihmon më shumë se 200 familje për festën e Fitër Bajramit (VIDEO)

Të tjera