Gjiganti amerikan i teknologjisë, “Apple” i është bashkuar garës për ta blerë Manchester Unitedin, sipas mediave të huaja, përcjell FrontOnline.
Drejtuesit e klubit nga Mançesteri kanë konfirmuar se kanë vënë klubin në shitje më herët këtë javë.
“Daily Star” bën me dije se edhe kompania e madhe “Apple” ka shprehur interesim për blerjen e Man Unitedit, që vlerësohet me një shumë prej 5.8 miliardë funtesh.
Kompania me bazë në Kalifornia nuk ka pasur ndonjë klub sportiv në dorë më parë, derisa mundësitë komerciale nga Man Unitedi kanë bërë që “Apple” të hyjë fuqishëm në garë.
Çdo blerje e mundshme me këtë shumë do ta bënte Manchester Unitedin klubin më të shtrenjtë në histori duke e kaluar vlerën prej 4.25 miliardë funtesh, me të cilën amerikani Todd Boehly e bleu Chelsean këtë vit.
Por, ka edhe “probleme” tjera. Kjo pasi klubi duhet të mendojë për ri-ndërtimin e stadiumit që mund të kushtojë rreth 1.5 miliardë dollarësh.
Manchester Unitedi e ka në shfrytëzim “Old Trafford”-in që prej vitit 1910, i cili u rinovua mes viteve 2005 dhe 2006 duke iu shtuar mbi tetë mijë ulëse./FrontOnline/