Lajme

Anulimi i Ligjit për Paga i papranueshëm për sindikatat, paralajmërojnë trazira sociale

Anulimi i Ligjit për Paga i papranueshëm për sindikatat, paralajmërojnë trazira sociale
12:36 | 01 Korrik 2020

Gjykata Kushtetuese e ka shpallur të pavlefshëm Ligjin Për Paga, të martën.

Kundër këtij vendimi i ka dalë Bashkimi i Sindikatave të Pavaruara të Kosovës.

Nga kjo sindikatë thonë se me vendimin e saj për anulim, Kushtetuesja e ka ngacmuar plagën e punëtorëve, e cila plagë nëse nuk shërohet do të sjell trazira sociale.

“Për Bashkimin e Sindikatave të Pavaruara të Kosovës vendimi i Gjykatës Kushtetuese për anulimin e Ligjit të Pagave, pa lënë hapësirë për korrigjimin e tij në ato pak pjesë kontestuese është i papranueshëm. Ky është mohim të drejtës në përfitim nga puna për mbi 62000 shërbyes civilë. Gjykata Kushtetuese ia ka humbur shpresat punëtorëve të Republikës së Kosovës të cilët me padurim e kanë pritur zbatimin e këtij ligji. Konsiderojmë së Gjykata Kushtetuese e ka ngacmuar plagën e hapur të punëtorëve dhe nëse kjo plagë nuk shërohet do të ketë trazira sociale!”, u shpreh Avni Ajdini, kryetar i BSPK-së.

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera