[wp-story]

Bota/Rajoni

Anketa e fundit e CNN-it: Bideni po e thellon epërsinë ndaj Trumpit

Anketa e fundit e CNN-it: Bideni po e thellon epërsinë ndaj Trumpit
14:12 | 06 Tetor 2020

Anketa e fundit për zgjedhjet në SHBA, të cilën për CNN-in e ka kryer kompania SSRS, tregon se kandidati demokrat Joe Biden, ka epërsinë më të madhe deri më tash.

Epërsia e Bidenit është rritur në 16 për qind.

Mes të anketuarve që kanë thënë se do të votojnë në zgjedhjet e nëntorit, 57 për qind pre tyre, do të votojnë Bidenin, kurse 41 për qind Trumpin.

Anketa është bërë pas debatit mes Trumpit e Bidenit dhe një pjesë pasi u mësua se presidenti aktual është prekur me koronavirus.

Anketa e parafundit tregonte për një epërsi të Bidenit prej 14 për qind, që po ashtu ishte rritje e madhe krahasuar me sondazhin paraprak.

Me gjithë përkrahjen më të madhe për Bidenin në nivel nacional, gara për Shtëpinë e Bardhë në fund do të vendoset nga rezultatet e shteteve kyç, shkruan CNN-i.

Bideni, në disa prej këtyre shteteve, po udhëheq, por epërsia e tij është më e vogël krahasuar me atë në nivel nacional.

“Graniti” hap showroom-in e dytë në Prishtinë (VIDEO)

Të tjera