×
  • Lajme
  • Lajme

    Analistët: Sloganet e partive, garë se kush po gënjen më bukur

    FrontOnline
    21 Janar 2021

    “Krejt dhe Drejt”, “Rimëkëmbje”, “Mbesim në Lidhje”, “Ramushi president 2021”, “Mbrojtja e vlerave kombëtare”, janë sloganet e partive të mëdha politike, e me të cilat këto të fundit do të garojnë në zgjedhjet e 14 shkurtit.

    E, këto slogane po shihen vetëm mënyrë e udhëheqjes së fushatës dhe si filozofi e subjekteve politike, dhe asgjë tjetër.

    Analisti politik, Arton Demhasaj, thotë për Front Online se sloganet po përdoren vetëm sa për të bindur elektoratin.

    “Këto slogane janë sa për fushata, sa me udhëheq një fushatë kështu që nuk është në atë se çka do të bëjnë partitë politike nëse e marrin qeverinë dhe vijnë në pushtet, kështu që slogani i VV-së po kuptohet pak a shumë se këta po pretendojnë se kanë me i fitu zgjedhjet në mënyrë si të themi absolute edhe në anën tjetër PDK-ja mban sloganin apo tenton që përmes “Rimëkëmbjes ekonomike” ta bind elektoratin për ta votuar dhe atë e ka bë slogan , në anën tjetër LDK-ja “Mbesim në Lidhje” po tenton me ndërlidh me largimin e Vjosa Osmanit nga LDK-ja që elektorati i LDK-së mbetet dhe do të mbetet në lidhje, në anën tjetër AAK-ja e ka “Ramushi president” për shkak se pretendimi i tyre në këto zgjedhje është që me pas numër të caktuar të deputetëve që pastaj me një koalicion pas zgjedhor me fituesin e zgjedhjeve me tentu me marr pozitën e presidenti, pra këto pak a shumë janë çështje që lidhen me fushatën por që nuk kanë të bëjnë shumë ndoshta edhe me atë se çka do të bëjnë partitë politike pas zgjedhjeve”, ka thënë Demhasaj, për FrontOnline.

    Sipas Demhasajt, sloganet janë vetëm kryefjalë e fushatës për të mobilizuar qytetarët.

    “Kjo është taman si një kryefjalë e fushatës, kështu që nuk ka asgjë tjetër, kemi pa edhe prej zgjedhjeve të kaluara, sloganet kanë qenë diçka e tillë që janë mundu veç me i përdor për fushatë dhe me mobilizu njerëz”, ka deklaruar ai.

    Por, ndryshe mendon analisti tjetër Nexhmedin Spahiu.

    Spahiu, për FrontOnline thotë se sloganet janë vetëm zgjidhje kreative e partive që shprehin filozofi.

    “Besoj që janë zgjidhej kreative që shprehin filozofi pulitke të këtyre subjekteve politike, nuk shoh diçka që është ndonjë si të them kapërcim jashtë filozofisë së tyre politike”, ka pohuar ai për FrontOnline.

    Deklaron se fushatat në Kosovë konsistojnë në atë “hajde kush po gënjen më bukur”.

    “Fushatat në Kosovë konsistojnë në atë hajde kush po gënjen më bukur dhe kjo për shkakun që njerëzit dhe elektorati nuk kërkon llogari nga politikanët dhe nuk e sheh a u përmbahen kërkesave të tyre”, është shprehur Spahiu.

    “Krejt dhe Drejt”

    Kreu i VV-së, Albin Kurti, pasi e prezantoi sloganin nuk dha ndonjë shpjegim pse ky slogan, por shkruajti në Facebook se “Referendumi që do ta kthejë Kosovën kah e mbara, nuk mund të ndalet!”.

    “Rimëkëmbje”

    Partia Demokratike e Kosovës që në këto zgjedhje ka kandidat për kryeministër Enver Hoxhajn, në mungesë të Kadri Veselit që gjendet në Hagë, ka vendosur të garojë në zgjedhjet e 14 shkurtit  me sloganin “Rimëkëmbje”.

    Si arsye pse kanë vendosur të garojnë me këtë slogan kanë deklaruar se duan ta rimëkëmbin Kosovën në të gjitha fushat.

    “Mbesim në Lidhje”

    Lidhja Demokratike e Kosovës që edhe në këto zgjedhje kandidon me Avdullah Hotin për kryeministër, ka përzgjedhur një slogan që lidhet me emrin e partisë.

    “Mbesim në Lidhje” është slogani i LDK-së e shoqëruar bashku edhe me një zemër të kuqe, çka e kanë ndërlidhur edhe me ditën e të dashuruarve 14 shkurtin, ditë kur mbahen edhe zgjedhjet.

    “Ramushi president 2021”

    Aleanca për Ardhmërinë e Kosovës ka slogan krejt ndryshe që nuk lidhet me qeverinë, por me presidencën.

    “Ramushi president” është slogani i kësaj partie, pasi AAK në këto zgjedhje nuk ka kandidat për kryeministër.

    “Mbrojtja e vlerave kombëtare”

    Partia e Fatmir Limajt, Nisma Socialdemokrate si slogan ka “Mbrojtjen dhe ruajtjen e vlerave kombëtare”.

    Në çdo takim që po mban me struktura kjo parti thotë se beteja e tyre është mbrojtja e vlerave kombëtare./FrontOnline/

     

     

     

    Festo Bajramin me ofertën All Inclusive të Sharr Travel
    Nga Rubrika
    Lajme29 Mars 2024
    Ministrja e Drejtësisë, Albulena Haxhiu ka akuzuar përfaqësuesit e Këshillit Gjyqësor dhe Prokurorial për tendencë kushtëzimi për Ministrinë e Drejtësisë. Ajo tha...
    Lajme28 Mars 2024
    Rusia dështoi të enjte në përpjekjen për një seancë të Këshillit të Sigurimit të Kombeve të Bashkuara, ku do të diskutohej rreth...
    Lajme28 Mars 2024
    Kryeministri Albin Kurti, ka bërë iftar bashkë me ambasadorin e Turqisë në Kosovë, Sabri Tunç Angılı, zëvendësministrin në Ministrinë e Punëve të...
    Të tjera
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...
    Lajme28 Mars 2024
    Kandidati për kryeministër nga radhët e Partisë Demokratike të Kosovës, Bedri Hamza, ka thënë se asnjë qeveri s’ka mundësi që t’i kryej...
    Lajme28 Mars 2024
    Policia e Kosovës është bërë pjesë e Taskforcës së Përbashkët të Migracionit me autoritetet ligjzbatuese të Republikës së Shqipërisë dhe të Mbretërisë...
    Lajme28 Mars 2024
    Kryetari i Lidhjes Demokratike të Kosovës (LDK), ka folur në Kuvend të Kosovës për tenderët njëburimore. Opozita edhe gjatë seancës së fundit...

    FrontOnline, © 2024 Të gjitha të drejtat e rezervuara.