×
  • Lajme
  • Ekonomi
  • Ekonomi

    Analistët i reagojnë Kurtit: S’mund të ketë treg të përbashkët derisa nuk na njeh Serbia

    FrontOnline
    12 Qershor 2021

    “Nuk ka më Minishengen, ka treg të përbashkët rajonal, që do ta ketë takimin e radhës në gjysmën e parë të korrikut. Ajo nismë tashmë është një çështje që trajtohet nga procesi i Berlinit, me emër tjetër e koordinata të tjera”.

    Kështu ka deklaruar kryeministri i Kosovës, Albin Kurti pas takimit në Samitin e liderëve të Ballkanit Perëndimor me përfaqësuesit e Bashkimit Evropian, shkruan FrontOnline.

    Por, çfarë është tregu i përbashkët rajonal.

    Eksperti i ekonomisë, Safet Gërxhaliu në një prononcim për FrontOnline, ka deklaruar se në Kosovë më shumë po politizohet rajonalizimi dhe bashkëpunimi rajonal, sesa që punohet që të krijohen favore për shtetin.

    Sipas tij, duhet të pranohet e vërteta që Kosova është pjesë e Ballkanit Perëndimor, por është çështje e politikanëve se si do të quhet kjo nismë.

    “Nuk mund të ketë as treg të përbashkët, as CEFTA as Minishengen nëse nuk jemi politikisht të barabartë, dhe për fat të keq në këtë moment nuk jemi politikisht të barabartë sepse deri nuk do të çlirohet Serbia nga Kosova dhe Kosova nga Serbia do të ketë tentativa të ndryshme për analizim, por nuk shërohen barrët e Ballkanit Perëndimor vetëm me iniciativa, duhen hapa konkret dhe emëruesi i përbashkët të funksionalizimit të Ballkanit Perëndimor është njohja e Kosovës nga Serbia”, ka thënë Gërxhaliu, për FrontOnline.

    Ai ka thënë se Kosova tashmë ka nënshkruar dokumentin që është pjesë e tregut të përbashkët.

    “Ekziston një dokument ku në mënyrë decidive Kosova e ka nënshkrua që është pjesë e tregut të përbashkët dhe në këtë drejtim nuk mund të mohohet një dukuri e tillë, por duhet të lobohet që Kosova të përfaqësohet në instanca evropiane dhe rajonale nga njerëz të dijes dhe jo vetëm nga politikanë dhe biznesmen , ata njerëz duhet të mbrojnë interesat e shtetit dhe jo vetëm grupe të caktuara të interesit dhe në këtë drejtim vërtetë duhet të forcohet sektori privat që të jetë pjesë e përfitimeve nga iniciativat e tilla, është qëllimi të kemi treg, është qëllimi të kemi investime”, është shprehur eksperti i ekonomisë.

    Gërxhaliu, ka shtuar se defekti i çdo iniciative është që Kosova trajtohet jo e barabartë në iniciativa rajonale.

    Kurse, eksperti tjetër i ekonomisë, Musa Limani, për FrontOnline, ka deklaruar se Minishengeni është në dëm të Kosovës, dhe se nuk mund të ketë një Minishengen të tillë derisa Kosova është e papranueshme prej dy vendeve Ballkanike.

    Limani ka shpjeguar edhe se çfarë do të thotë treg i përbashkët.

    Thotë se Kosova nuk mund të ketë treg të përbashkët me Serbinë, deri sa kjo e fundit nuk e njeh shtetin Kosovës.

    “Tregu i përbashkët në vete nënkupton këto elemente: qarkullimin e lirë të mallrave, qarkullimin e lirë të lëvizjes së kapitalit , qarkullimin e lirë të ideve, qarkullimin e lirë të punës e të tjera. E derisa Serbia me gjithë arsenalin e vet shtetëror lufton kundër Kosovës edhe tërheqjen e pavarësisë nga ato vende që e kanë pranuar pavarësinë e Kosovës, mandej kur thotë se kurrë nuk do ta pranojë pavarësinë e Kosovës, si mund ta bëjmë tregun e përbashkët me Serbinë, kjo është çmenduri ose një lloj i paradoksit të vet”, është shprehur Limani.

    Sipas tij, është i papranueshëm një Minishengen për të cilin insiston Serbia e i cili burimin e ka në Novisad./FrontOnline

     

     

     

    Ndërgjegjësimi mbi autizmin dhe ndryshimi i narratives për autizmin dhe Personat me Aftësi të Kufizuar
    Nga Rubrika
    Lajme18 Mars 2024
    Kryetari i LDK-së, Lumir Abdixhiku, thotë se sot partia e tij tani ka 58 nëndegë aktive duke përfshirë edhe ato në Evropë,...
    Lajme18 Mars 2024
    Shefi i Grupit Parlamentar të Partisë Demokratike të Kosovës, Abelard Tahiri, ka folur në T7 për mënyrën sesi Ministria e Bujqësisë ia...
    Lajme18 Mars 2024
    Deputeti Fatmir Humolli, ka thënë se kryeministri i Kosovës, Albin Kurti, ka dështuar të krijojë një realitet të ri politik. Sipas tij,...
    Të tjera
    Lajme18 Mars 2024
    Shefi i Grupit Parlamentar të PDK-së, Abelard Tahiri, tha se do ta lë mandatin e deputetit nëse Albin Kurti do të zgjedhet...
    Sport18 Mars 2024
    Kombëtarja e Kosovës ka filluar grumbullimin e parë për këtë vit nën drejtimin e përzgjedhësit të ri, Franco Foda dhe stafit të...
    Lajme18 Mars 2024
    Kryetari i Kuvendit të Kosovës Glauk Konjufca ka goditur emisarin amerikan, Gabriel Escobar. Tutje, Konjufca për emisarin amerikan Escobar ka thënë se...
    Sport18 Mars 2024
    Kombëtarja e Shqipërisë ka zhvilluar seancën e parë stërvitore para miqësoreve të këtij muaji. Në stërvitjen e parë pati disa mungesa, të...
    Kronika18 Mars 2024
    Është gjobitur një 25-vjeçar në Ferizaj, i cili u zu nga policia duke vozitur kur atij iu kishte ndaluar ky akt për...
    Lajme18 Mars 2024
    Kryetari i Kuvendit të Kosovës Glauk Konjufca sot ka folur për rolin e tij në Kuvendin e Kosovës. Përveç kësaj ai ka...

    FrontOnline, © 2024 Të gjitha të drejtat e rezervuara.