Bota/Rajoni

Amerikanët paralajmërojnë: Mos udhëtoni në Spanjë dhe Portugali

Amerikanët paralajmërojnë: Mos udhëtoni në Spanjë dhe Portugali
10:25 | 27 Korrik 2021

Qendrat Amerikane për Kontrollin dhe Parandalimin e Sëmundjeve (CDC) dhe Departamenti i Shtetit kanë paralajmëruar që nuk duhet të udhëtohet në Spanjë, Portugali, Qipro dhe Kirgistan për shkak të numrit në rritje të infeksioneve të koronavirusit në ato vende.

CDC ka rritur rrezikun e udhëtimit në nivelin katër (shumë të lartë) për këto vende dhe rekomandon që amerikanët të shmangin udhëtimet, ndërsa Departamenti i Shtetit rekomandon që të mos udhëtojnë në ato vende.

Spanja rihapi kufijtë e saj për turistët amerikanë në qershor dhe që atëherë ka qenë një destinacion popullor për turistët amerikanë.

CDC gjithashtu ka ngritur rekomandimet e udhëtimit në Kubë në nivelin e katërt, ndërsa Departamenti i Shtetit ka rekomanduar që të mos udhëtojë atje./FrontOnline/

 

Kredi me afat rekord të shqyrtimit dhe aprovimit

Të tjera