Italia ka investuar shumë në Kosovë, edhe nga pikëpamja financiare, ndaj do të vazhdojë të mbështesë zhvillimin dhe integrimin evropian të vendit nga i cili pret një angazhim “konstruktiv” për reformat dhe dialogun me Serbinë. Kështu ka thënë ambasadori italian në Kosovë, Antonello De Riu, në një intervistë për “Agenzia Nova”.
Është e qartë se tema tjetër e madhe, ajo e dialogut me Beogradin, për të cilën duhen përpjekje të konsiderueshme nga të dyja palët”, tha ambasadori De Riu, duke folur për nevojën e një qasjeje “konstruktive” dhe “kreative”.
Ambasadori më pas iu përgjigj disa pyetjeve për rolin ndërmjetësues të Bashkimit Evropian në marrëdhëniet ndërmjet Kosovës dhe Serbisë, edhe në dritën e pranisë së pesë vendeve anëtare – Spanjës, Greqisë, Qipros, Sllovakisë dhe Rumanisë – të cilat nuk e njohin pavarësinë e Prishtinës, shkruan nova.news, transmeton Klankosova.tv.
“Nuk ka qëndrim unanim, është e vërtetë, por sigurisht që ka një qëndrim të një shumice shumë të madhe: Kosova njihet nga 22 nga 27 shtete të BE-së dhe ndërmjetësimi që po bën Brukseli, përmes Përfaqësuesit Special Miroslav Lajčák, gëzon mbështetjen e të gjitha shteteve anëtare, pa përjashtim”, tha De Riu, sipas të cilit “është thelbësore që kjo rrugë e pajtimit të shikohet me largpamësi dhe me shpirt të hapur.”/klankosova/
Tutje, De Riu ka thënë se Kosova dhe Serbia duhet të angazhohen për të gjetur një marrëveshje përfundimtare që gjen në pajtim dy vendet dhe qytetarët e saj.
“Dialogu i lehtësuar nga Bashkimi Evropian ndërmjet Kosovës dhe Serbisë është një mundësi me rëndësi historike, të cilën të dyja palët tani duhet ta kuptojnë seriozisht, duke u angazhuar në mirëbesim në proces dhe në njëra me tjetrën për të arritur një marrëveshje përfundimtare që kënaq dy vendet dhe qytetarët e tyre. Në veçanti, të dyja palët duhet të shmangin retorikën që mbyll hapësirën për negociata dhe kufizon potencialin për ndryshime para dhe pas takimeve”.
