Ambasadori italian konfirmon mbështetjen ndaj Kosovës në fushën e shëndetësisë

Ministri i Shëndetësisë, Armend Zemaj, ka pritur në takim ambasadorin e Italisë në Kosovë, Nicola Orlando.

Ministri i Shëndetësisë, Armend Zemaj, është takuar sot me ambasadorin italian, Nicola Orlando.

Zemaj falënderoi ambasadorin për mbështetjen e vazhdueshme të Italisë për shëndetësinë e Kosovës e sidomos edhe në këtë fazë delikate. Njëherësh e njoftoi për angazhimin e të gjitha kapaciteteve të ministrisë jo vetëm në luftimin e pandemisë, por edhe në ofrimin e shërbimeve tjera për pacientët.

Ambasadori, Nicola Orlando, shprehu gatishmërinë për thellimin e bashkëpunim me ministrin Zemaj, në frymën e bashkëpunimit të vazhdueshëm edhe me paraardhësin.

Njëherit theksoi menaxhimin e suksesshëm të pandemisë COVID-19 nga institucionet përkatëse, ku Italia ka dhënë kontributin e saj duke dhuruar pajisje mbrojtëse për stafin mjekësor, duke i ftuar të gjithë në mbajtjen e kujdesit të shtuar, në mënyrë që të mënjanohet vala e dytë e infeksioneve.

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Sponsoruar