Bota/Rajoni

Ambasada gjermane dhuron maska për shtëpinë e fëmijës në Elbasan

Ambasada gjermane dhuron maska për shtëpinë e fëmijës në Elbasan
17:12 | 27 Gusht 2020

Ambasada gjermane Tiranë në kuadër të luftës kundër pandemisë ka dhuruar sot maska, dezinfektues, termometra klinikë dhe doreza në shtëpisë së fëmijës “Orët Fatlume” në Elbasan.

Lajmi u bë i dituar nga Ambasada gjermane e cila tha se “së bashku kundër koronavirusit. Shtëpia e fëmijëve “Orët Fatlume” në Elbasan mori sot nga Ambasada gjermane një donacion me maska, dezinfektues, termometra klinikë dhe doreza”.

“Shtëpia e fëmijëve, e cila u themelua 20 vjet më parë nga “Albanienhilfe Weilheim” strehon aktualisht mbi 30 fëmijë. Në territorin e saj gjendet edhe një kopsht, i cili frekuentohet si nga fëmijët e shtëpisë së fëmijëve edhe nga fëmijët e zonës. Këtu përkujdesja e fëmijëve dhe të rinjve bëhet plot dashuri si dhe talentet e tyre inkurajohen”, bën të ditur Ambasada gjermane

I pranishëm ishte dhe zëvendës ambasadori gjerman, Jannis von Oy, i cili bëri dorëzimin e materialeve.

“Ne jemi të lumtur që mundëm të mbështesim “Orët Fatlume” me anë të këtij donacioni kaq të nevojshëm. Gjermania vazhdon të qëndrojë në krah të Shqipërisë në tejkalimin e krizës së koronavirusit”, tha ai. /atsh

EKSKULZIVE: Art Motion dhe Klan Kosova fitojnë të drejtën televizive të Superligës, Ligës së parë si dhe Kupës së Kosovës 

Të tjera