[wp-story]

Lajme

Ambasada e Kosovës në Itali njofton bashkatdhetarët që të mos nisen për në Kosovë deri në këtë datë

Ambasada e Kosovës në Itali njofton bashkatdhetarët që të mos nisen për në Kosovë deri në këtë datë
20:06 | 15 Qershor 2020

Ambasada e Kosovës në Itali ka njoftuar bashkatdhetarët tanë se në bazë të dekret-ligjit të ri të qeverisë italiane, qarkullimi dhe lëvizja ndërkufitare drejt vendeve të Ballkanit Perëndimor përfshirë Kosovën dhe anasjelltas, mbetet ende e kushtëzuar nga masat parandaluese ndaj Covid-19.

Në një postim në Facebook thuhet se sipas burimeve zyrtare italiane, vlefshmëria e këtyre masave kufizuese me vendet e rajonit do të mbetet në fuqi deri më 30 qershor 2020.

Si rrjedhojë, Ambasada e Kosovës në Romë u bënë thirrje të gjithë shtetasve kosovarë në Itali dhe atyre që planifikojnë të kalojnë tranzit nëpër territorin italian, që të evitojnë planifikimin e udhëtimeve drejt Kosovës deri në njoftimin zyrtar të radhës.

“Ju rikujtojmë që ky rekomandim i drejtohet dhe duhet respektuar nga të gjitha kategoritë e transportit dhe për të gjitha mënyrat e udhëtimit, përfshirë këtu linjat private të autobusëve që duhet të evitojnë të ndërmarrin iniciativa të nxituara”, thuhet në njoftim.

Të nderuar bashkëatdhetarë,në vijim të njoftimeve paraprake lidhur me qarkullimin ndërkufitar, Ambasada e Republikës…

Δημοσιεύτηκε από Ambasada e Republikës së Kosovës në Itali στις Δευτέρα, 15 Ιουνίου 2020

Super zbritje në “Petrol Company”

Të tjera