×
  • Bota/Rajoni
  • Bota/Rajoni

    Aliu: Serbia po blen dronë nga Kina për t’i përdorur kundër Kosovës

    FrontOnline
    21 Tetor 2020

    Deputeti i Lëvizjes Vetëvendosje Liburn Aliu dhe kolegu i tij nga radhët e Lidhjes Demokratike të Kosovës Arben Gashi janë përplasur sonte në Kuvend në lidhje me formimin e asociacionit të komunave me shumicë serbe, e cila bie ndesh në 23 nene me Gjykatën Kushtetuese të Kosovës.

    Aliu në seancën e interpelancës me kryeministrin Avdullah Hoti për asociacionin, ka akuzuar këtë të fundit se në procesin e dialogut me Serbinë në Bruksel nuk e ka përmendur se Kushtetuesja e ka shpallur jo kushtetuese marrëveshjen për Zajednicën dhe se kjo e fundit nuk mund të formohet.

    Ai ka folur edhe armatosjen e Serbisë, e për të cilën tha se është duke blerë edhe dronë nga Kina, për t’i përdorur në të ardhmen kundër shtetit të Kosovës.

    “Pse nuk e ka përmend Hoti në Bruksel vendimin e Gjykatës Kushtetuese? Pse nuk iu ka thënë atyre se ne kemi një Gjykatë Kushtetuese që marrëveshjen e vitit 2015 e ka shpallur jo kushtetuese, por na thoni neve se po shqetësohemi? Pse Hoti nuk ka tregon që Serbia nuk e ka ratifikuar marrëveshjen që ne e paskemi ratifikuar… Ka heshtur, ka thënë se marrëveshjen e vitit 2015 do ta realizojmë, po nuk do ta realizojë as ai e as ju, sepse marrëveshja e ndan Kosovën në vija etnike…Serbia e cila është duke blerë drone prej Kinës, e ata drona e dimë që nuk është duke i marrë për të xhiruar dasma, por ata dronë i ka marrë për t’i përdor ndaj dikujt, ndaj neve, ndaj fëmijëve tanë, prandaj kjo përmban rrezik”, ka thënë ai.

    Por të gjithë këtë e ka quajtur një ‘aktrim të lezetshëm’, shefi i grupit parlamentar të LDK-së Arben Gashi, teksa ai nuk la pa ia rikujtuar edhe sulmet e aktivistëve së Lëvizjes Vetëvendosjes kundër Policisë së Kosovës.

    “Ky aktrimi i lezetshëm i Liburnit po krijon atmosferë të mirë, që po më pëlqen. Po ia kthej me të njëjtën pyetje: zotëri Liburn Aliu, çka keni bërë ju? Vetëm në vitin 2015, 250 policë të lënduar, vetëm në janar e vitit 2015, 127 policë të lënduar. Pra ajo që keni bërë është se keni sulmuar Policinë e Kosovës, Kuvendin për një krim imagjinar. Po ta përsëris se nuk jam më pjesë e këtij debati të panevojshëm me ju dhe po të them se asociacioni i komunave me shumicë serbe, i cili është marrë si vendim pas operacionit të dështuar në veri, problemin e veriut e keni ndërkombëtarizuar dhe e keni bërë problem të madh për Kosovën”, ka thënë ai. /kp

    Vlera Devolli bashkë me liderin e CDU-së në promovimin e Sara Rosner
    Nga Rubrika
    Bota/Rajoni19 Mars 2024
    Gjashtë persona humbën jetën në orët e para të mëngjesit të sotëm, duke përfshirë dy policë spanjollë, pranë Seviljes, kur një kamion...
    Bota/Rajoni19 Mars 2024
    Kryetari i bashkisë së Nju Jorkut, Eric Adams po përballet me akuza tronditëse për sulm seksual nga një ish kolege, e cila...
    Bota/Rajoni19 Mars 2024
    Sot vazhdon seanca konstituive ku duhet të zgjidhet kryetari i ri i Kuvendit të Serbisë, ndërsa kandidate e SNS-së është Ana Brnabiq....
    Të tjera
    Lajme19 Mars 2024
    Ministri i Bujqësisë, Faton Peci, përmes një postimi në Facebook, ka thënë se për tre vjet qeverisje ka arritur ta ndryshojë rrjedhën...
    Bota/Rajoni19 Mars 2024
    Sot vazhdon seanca konstituive ku duhet të zgjidhet kryetari i ri i Kuvendit të Serbisë, ndërsa kandidate e SNS-së është Ana Brnabiq....
    Lajme19 Mars 2024
    Ish këshilltari i ish presidentit Thaçit, Bekim Çollaku ka reaguar për vdekjen e Xhavit Ferizit, i njohur si “Raketa”. Ai tha se...
    Lajme19 Mars 2024
    Është vetëm një muaj nga përfundimi i luftës në Kosovë – data e saktë 13 korrik 1999, dita kur është realizuar kjo...
    Lajme19 Mars 2024
    Presidentja e vendit, Vjosa Osmani, ditën e djeshme qëndroi në Lipjan, ku bashkë me të parin e kësaj komune, Imri Ahmeti, zhvilluan...
    Lajme19 Mars 2024
    Komisioni për Arsim, Shkencë, Teknologji, Inovacion, Kulturё, Rini dhe Sport, ka formuar Grupet Punuese për shqyrtimin e Projektligjeve. Por i vetmi grup...

    FrontOnline, © 2024 Të gjitha të drejtat e rezervuara.