Lajme

Albulena Haxhiu thotë se nuk po ndërhyn në drejtësi

Albulena Haxhiu thotë se nuk po ndërhyn në drejtësi
14:28 | 07 Maj 2021

Ministrja e Drejtësisë, Albulena Haxhiu, i është përgjigjur akuzave të Këshillit Prokurorial dhe Këshillit Gjyqësor të Kosovës se po ndërhynë në drejtësi me deklaratat e saja për të ashtuquajturat “grupe të fuqishme” brenda këtyre dy insticioneve.

Haxhiu ka thënë se çështja e përzgjedhjes së kryeprokurorit të shtetit dhe kryeprokurorëe të prokurorive tjera ka qenë një problem që ka ngritur shumë shqetësime sipas saj.

“Për mua si Ministre e Drejtësisë janë të papranueshme akuzat e sistemit prokurorial kinse për ndërhyrje në drejtësi. Përpjekjet për instalimin e transparencës dhe meritokracisë nuk janë ndërhyrje. Ndërhyrje mund t’i duken vetëm atyre që janë të përfshirë në kalkulime”, ka shkruar Haxhiu në Facebook.

Ajo ka thënë se deklarimet e saja janë të qëndrueshme dhe në përputhje me kriteret kushtetuese që sipas saj koincidojnë në ndarjen e pushteteve.

Postimi i plotë i Haxhiut në Facebook:

Që nga dita e parë kam punuar me përkushtimin më të madh në drejtim të krijimit të kushteve më të mira përmes politikave adekuate për sistemin e drejtësisë.

Sistemi i drejtësisë vazhdon të ketë probleme të natyrave të ndryshme për çka jemi dëshmitarë të gjithë.

Çështja e përzgjedhjes së Kryeprokurorit të Shtetit dhe kryeprokurorëve të prokurorive dhe anëtarëve të KPK, gjithashtu ka qenë një problem tjetër për çka nuk kanë qenë vetëm shqetësimet tona të cilat i kemi bërë publike, por kanë qenë po ashtu reagimet e partnerëve ndërkombëtarë, të cilët kishin përcjellur shqetësimet serioze në këtë drejtim.

Për mua si Ministre e Drejtësisë janë të papranueshme akuzat e sistemit prokurorial kinse për ndërhyrje në drejtësi. Përpjekjet për instalimin e transparencës dhe meritokracisë nuk janë ndërhyrje. Ndërhyrje mund t’i duken vetëm atyre që janë të përfshirë në kalkulime.

Deklarimet e mia janë të qëndrueshme dhe në përputhje me kriteret kushtetuese e ligjore në kuptim të ndarjes së pushteteve dhe me qëllim të adresimit sa më adekuat të problemeve. Asnjëherë nuk do t’i mbyllë sytë kundrejt të njëjtave.

Si Ministre e Drejtësisë, do të vazhdoj tutje që me përkushtim të adresoj problemet e sistemit të drejtësisë brenda kompetencave të mia kushtetuese dhe ligjore, në kuptim të ndërtimit të një sistemi sa më profesional, të pavarur dhe efikas. Vetëm kështu mund të kthehet besimi i qytetarëve në institicionet e drejtësisë. Këtë e kemi obligim!

Që nga dita e parë kam punuar me përkushtimin më të madh në drejtim të krijimit të kushteve më të mira përmes politikave…

Posted by Albulena Haxhiu on Friday, May 7, 2021

Kredi me afat rekord të shqyrtimit dhe aprovimit

Të tjera