×
  • Opinione
  • Opinione

    Albin o vëlla, a je tu pa?!

    Nagip Tashi
    04 Janar 2023

    Këtë revoltë timen po e nis me vargjet e këngës ,, Mbretëresha kohë” të rock grupit “Troja”: Mbretëresha kohë dje boll mirë na tregoj tha nesër për neve shumë ftohtë ka me kanë.
    Në paaftësi për t’i zgjidhë çështjet kruciale në Luginë të Preshevës siç janë: Të drejtat e shqiptarëve në shumë segmente, si ajo e migrimit, pasivizimit të dokumenteve, punësimit, të zgjedhurit politikë në Luginë të Preshevës kanë marrë legjitimitet nga populli që t’i zgjidhin këto probleme të lartpërmendura, si duket me rastin e fundit të ndarjes së granteve për OJQ-të, nga mjetet financiare të transferuara nga Qeveria e Kosovës e pranuan në heshtje dështimin dhe të njëjtën kohë problemet me diskriminim ia transferuan OJQ- ve.
    Është e vërtetw se roli i OJQ-ve është që nëpërmjet aktiviteteve të tyre të ngrisin vetëdijen e masës për fenomene të ndryshme shoqërore, sensibilizojnë opinionin e gjerë, si dhe të ruajnë dhe kultivojnë trashëgiminë kulturore, por ato nuk janë për t’i zgjidhur çështjet e shqiptarëve siç janë: migrimi, pasivizimi, punësimi,etj.
    Nga ajo që dihet botërisht se nga OJQ- të përfitojnë vetëm drejtuesi i saj, ndërsa aktivistët përveç shujtës ditore ( hamburger) edhe ndonjë mëditje aty- këtu.
    Nëse Albin Kurti dhe Qeveria e tij mjetet e ndara prej 1.2 mil. € ia ka dedikuar zgjidhjes apo zbutjes së këtyre problemeve të lartpërmendura nëpërmjet Këshillit Nacional të Shqiptarëve (KNSH), ky organ ka dështuar në menaxhimin e procesit të shpërndarjes, sepse kjo formë që KNSH-ja ka zgjedhur është kryekëput subjektive, një diskurs që partitë politike e zbatojnë me vite të tëra.
    Ne kur po flasim për diskriminim shtetëror po harrojmë se të njëjtën po e zbatojmë edhe ndaj individëve që nuk i takojnë subjektit të Partisë për Veprim Demokratik (PVD), duke harruar ose qëllimisht se Këshilli Nacional i Shqiptarëve nuk është Këshilli i PVD-së. Atëherë sipas kësaj logjike dhe praktike që subjektet politike po e zbatojnë, Qeveria e Kosovës është dashtë t’i ndajw mjete subjekteve dhe jo organit të përbashkët dhe legjitim të shqiptarëve, nëpërmjet të cilit shqiptarët pretendojnë t’i zgjidhin të drejtat e tyre nëpërmjet 4 shtyllave qenësore të KNSH-së që janë: Përdorimi i simboleve, informimi, arsimi, dhe trashëgimia kulturore.
    Dorën në zemër njëherë e patëm një mbështetje nga Qeveria e Shqipërisë në krye me Edi Ramën dhe varësit e tij, çështja e teksteve shkollore filloi së realizuari nëpërmjet kanale qeveritare, normal me angazhimin e pa lodhur të kryetarit të KNSH- së Ragmi Mustafin.
    Ndërsa, sa i përket ndërmarrjeve publike si: Shtëpinë e Kulturës, Agjensionin për Turizëm, Sallën e Sportit, Bibliotekën e Qytetit, të cilat si dikastere ekskluzivisht merren me zhvillimin dhe kultivimin e kulturës qoftë sportive, kulturore apo edhe të turizimit e të cilat i menaxhojmë që më shumë se dy dekada herë një subjekt shqiptar e herë një tjetër, dorën në zemër kam menduar se ne shqiptarët përveç se do të qeverisim me ato, do ta kemi edhe mision ruajtjen e identitetit shqiptar, duke u ofruar të rinjve kushte dhe ambient të volitshëm me drejtues kreativ të cilët posedojnë aftësi, sens, vullnet dhe dëshirë për ngritjen e nivelit kulturor, e fatkeqësisht subjektet politike që drejtojnë këto dikastere kanë dështuar duke afruar njerëz të besueshëm të partisë dhe nëpërmjet tyre t’i realizojnë interesat e ngushta partiake e jo interesat kombëtare. Prandaj them se kësaj here me shpërndarjen e granteve shoqërisë civile, udhëheqësit tanë legjitim ose pa vetëdije ose qëllimisht kanë pranuar fshehurazi dështimin, duke i graduar OJQ-të dhe degraduar Institucione që vet i qeverisim sot e dy dekada më herët.

    (Autori është aktivist nga Lugina e Preshevës)

    Në këto vende nuk do të ketë rrymë për shkak të punimeve
    Nga Rubrika
    Opinione28 Mars 2024
    Nga: Albert Prenkaj Situata e re e krijuar me inkursionin ushtarak rus në Ukrainë dhe mundësia e derdhjes së konfliktit në Ballkan...
    Opinione27 Mars 2024
    Nga Thomas Latschan: Sipas informacioneve të Ministrisë së Shëndetësisë në Rripin e Gazës (i cili kontrollohet nga Hamasi), pothuajse 32 mijë vetë...
    Opinione26 Mars 2024
    Nga Bernd Riegert: NATO sulmoi trupat serbe në vitin 1999 për të parandaluar një katastrofë humanitare në Kosovë. Krahasimi me Ukrainën është...
    Të tjera
    Lajme29 Mars 2024
    Edhe Ministrja e Drejtësisë, Albulena Haxhiu ka sfiduar opozitën, duke thënë se janë të gatshme për zgjedhje të reja, madje qysh javën...
    Lajme29 Mars 2024
    Shoqata e Kosovës për Kërkim dhe Shpëtim ka bërë të ditur se po vazhdojnë kërkimet për gjetjen e një personi të zhdukur...
    Lajme29 Mars 2024
    Faturimi i rrymës ende s’ka filluar anipse më 9 dhjetor të 2023-tes, KEDS pati nënshkruar kontratë me Elektroserverin për të shpërndarë dhe...
    Lajme29 Mars 2024
    Komisioni për Buxhet, Punë dhe Transfere, si dhe ai për Administratë Publike, Pushtet Lokal, Media dhe Zhvillim Rajonal do të zhvillohen sot....
    Lajme29 Mars 2024
    Ministrja e Drejtësisë, Albulena Haxhiu ka akuzuar përfaqësuesit e Këshillit Gjyqësor dhe Prokurorial për tendencë kushtëzimi për Ministrinë e Drejtësisë. Ajo tha...
    Lajme28 Mars 2024
    Rusia dështoi të enjte në përpjekjen për një seancë të Këshillit të Sigurimit të Kombeve të Bashkuara, ku do të diskutohej rreth...

    FrontOnline, © 2024 Të gjitha të drejtat e rezervuara.