×
  • Lajme
  • Front TV
  • Front TV

    Alarmon infektologu: S’po respektohen masat në Kosovë, pasojat do të jenë të mëdha

    FrontOnline
    15 Qershor 2020

    Lehtësimi i masave të lëvizjes së qytetarëve, bëri që numri i rasteve me COVID-19 të rritet.

    Në Klinikën Infektive aktualisht janë duke u trajtuar 43 pacientë të infektuar, ku 22 janë me oksigjeno-terapi, 20 të tjerë në gjendje stabile dhe një pacient është nën kujdesin intensiv.

    Këto të dhëna i ka bërë të ditura për Front Online, infektolgu i Klinikës Infektive, Sali Ahmeti.

    “Sot, në Klinikë i kemi të shtrirë aktualisht 43 pacientë me COVID pozitiv, prej tyre 22 janë në gjendje të rëndë me oksigjeno-terapi për shkak të problemeve pulmunare dhe infiltrimeve me pulmunari evidente, një është nën kujdesin intensiv dhe në gjendje  shumë  të rëndë.  Edhe përkundër përpjekjeve tona që ta përmirësojmë shëndetin e këtij pacientit gjendja vazhdon me qenë e rëndë dhe kritike”, tha ai për Front Online.

    Klinika Infektive po pret rezultatet e 13 pacientëve për Covid-19

    Sipas tij, 13 pacientë janë në pritje të rezultateve nga Instituti Kombëtar i Shëndetit Publik.

    “20 pacientë të tjerë kanë manifestime klinike mesatarisht të rënda dhe janë me gjendje stabile. 13 pacientë të cilët janë në pritje dhe kanë manifestime kronike mjaftë të rënda dhe mund të rezultojnë edhe këta me Covid pozitiv, ne jemi duke pritur rezultatet e analizave laboratorike”, deklaroi Ahmeti.

    Ahmeti tha se në mesin e të infektuarve të cilët po trajtohen në Klinikë nuk ka gra shtatzëna dhe fëmijë.

    “Jo aktualisht, ne kemi pasur më herët, por tash sot nuk kemi gra shtatzëna dhe nuk kemi fëmijë nën moshën 10 apo 15 vjeçare, por dua të them edhe diçka moshat e reja janë më të privilegjuara në raport me COVID-19, jo që ajo nuk i prek, por sëmundjen e kalojnë më lehtë”, tha infektologu Ahmeti për Front Online.

    Ai tha se për dallim nga rastet e para, personat të cilët tani po trajtohen me Covid-19, kanë temperaturë më të lartë e cila shkon deri në 40 gradë.

    Infektologu Ahmeti: S’po respektohen masat, pasojat mund të jenë të mëdha

    “Ditëve të fundit kemi një ndryshim në manifestimet klinike të sëmundjes në raport me rastet e para. Ne tani këto ditë për nga numri i rasteve të shtrirë në klinikë jemi përafërt me mesin e ditëve të epidemisë. Por, po themi si karakteristikë e këtyre të sëmurëve është se pacientët kanë temperatura të larta dhe të zgjatur 38.39 deri në 40 gradë  celsius,  dukuri që në rastet e para nuk e kemi vërejtur. Ata kanë pasur temperatura të lehta dhe të shkurta tani kanë temperatura të larta kontinuale, kanë kollë ngacmues të thatë”, ka bërë të ditur Ahmeti për Front Online.

    Sipas infektologut Ahmeti, qytetarët nuk janë duke i respektuar masat mbrojtëse për parandalimin e përhapjes së virusit.

    “Me llogaritë si përqindje as 1 apo 2 për qind  e njerëzve nuk mbajnë maska qoftë në ambiente të hapura apo të mbyllura, sidomos në ambiente të mbyllura kjo është domosdoshmëri me këtë ne do ta kalojmë edhe këtë fazë, por është me rendësi me kaluar me humbje sa më të paktë, por nëse vazhdohet kështu pa përkujdesje atëherë ekziston mundësia dhe rrezikshmëri që të kemi humbje më të mëdha”, tha infektologu Ahmeti.

    Ai apeloi te qytetarët që të mbrohen në mënyrë që të mos rrezikojnë shëndetin me përhapjen e pandemisë, pasi që siç tha ai, masat mbrojtëse tani janë më të lehta.

     

     

     

    Njoftimet nga KEDS për punimet në rrjet
    Nga Rubrika
    Lajme01 Dhjetor 2023
    Mbrëmjen e së mërkurës, një vrasje në rrugën “Dalip Alshiqi” tronditi Prishtinën. Raportimet fillestare pohuan se Liridona Murseli u vra nga disa...
    Lajme01 Dhjetor 2023
    63-vjeçari i dyshuar për sulm seksual ndaj një të miture 15-vjeçare, nesër do të dalë para Gjykatës në Pejë. Zëdhënësi në Prokurorinë...
    Lajme01 Dhjetor 2023
    Ministrja e Drejtësisë, Albulena Haxhiu, ka thënë se njëri nga personat e arrestuar për vrasjen e Liridona Murselit është bashkëshorti i të...
    Të tjera
    Lajme01 Dhjetor 2023
    Në Gjykatën Themelore të Prizrenit kanë arritur, nën përcjelljen e rreptë të policisë, katër të arrestuarit që dyshohen për pjesëmarrje në grabitjen...
    Lajme01 Dhjetor 2023
    Gjykata Komerciale e ka pezulluar edhe në rivendosje ndërtimin e Rrugës A. Lajmin për Gazetën Express e ka konfirmuar zëdhënësja e Gjykatës...
    Bota/Rajoni01 Dhjetor 2023
    Sekretari i Përgjithshëm i NATO-s, Jens Stoltenberg, tha të premten se i ka thënë presidentit të Turqisë, Recep Tayyip Erdogan, se ka...
    Vip01 Dhjetor 2023
    Banorja e Big Brother VIP Kosova, Linda ka bërë një bisedë me disa nga banorët e tjerë. Ajo ka thënë se Blero...
    Lajme01 Dhjetor 2023
    Vizitën e tij në Komunën e Gjilanit, Kryeministri i Republikës së Kosovës, Albin Kurti, e vazhdoi duke i përcjellë nga afër punimet...
    Vip01 Dhjetor 2023
    Banorët e Big Brother VIP Kosova, Besi dhe Shqipja mbrëmë kanë debatuar me ironi mes vete. Po ashtu Besi edhe i ka...

    FrontOnline, © 2023 Të gjitha të drejtat e rezervuara.