Bota/Rajoni

Al Qaeda kërcënon sërish “Charlie Hebdo”

Al Qaeda kërcënon sërish “Charlie Hebdo”
23:43 | 12 Shtator 2020

Rrjeti terrorist Al Qaeda kërcënoi sërish të përjavshmen satirike franceze ”Charlie Hebdo”, që ribotoi karikaturat mbi profetin Muhamed, origjina e sulmit terrorist të 7 janarit 2015, ku humbën jetën 12 persona dhe u plagosën 11 të tjerë.

Njoftimi vjen nga Site, që monitoron aktivitetin xhihadist të kësaj organizate terroriste.

Rita Katz, drejtoreshë e Site, specifikon se me rastin e përvjetorit të 11 Shtatorit, Al Kaeda ka lëshuar versionin në anglisht të numrit 3 të revistës ”One Ummah”.

Publikimi i ri përmban profilet e organizatorëve të 11 Shtatorit, dëmtimin e Shteteve të Bashkuara të Amerikës dhe një artikull për ‘Charlie Hebdo”, shkruan Katz, duke shtuar se do të ketë edhe një fjalim nga udhëheqësi aktual i Al Kaedas, Ayman al Zawahiri.

”Në këtë revistë është shkruar se ‘Charlie Hebdo’ do të paguajë përsëri një çmim”, thotë Katz në një shënim në Twitter.

Comodita nis 35 kontejnerë me dyshekë për në SHBA

Të tjera