Policia në Tallahassee të SHBA-ve është duke hetuar vdekjen e aktivistes së lëvizjes “Black Live Matter”, trupi i pajetë i të cilës është gjetur disa ditë pasi ishte shpallur e zhdukur.
Siç raporton CNN, Oluwatoyin “Toyin” Salau dhe Victoria Sims, 75-vjeçe, janë gjetur dje të vdekura. Autoritet nuk kanë dhënë detaje lidhur me këtë rast, por dihet se policia është duke hetuar vdekjen e dyshes dhe se është arrestuar një person i dyshuar, transmeton Telegrafi.
Për Salau askush nuk dinte asgjë që nga 6 qershori. Po atë ditë ajo kishte bërë një sërë postimesh në Twitter, me të cilët pretendonte se si më herët gjatë asaj dite ishte keqtrajtuar seksualisht.
E pas kësaj ishte zhdukur pa asnjë gjurmë deri sa dje arritën të gjejnë trupin e saj të pajetë. Në anën tjetër, policia ka arrestuar personin e dyshuar që është identifikuar si Arron Glee, 49-vjeç.
Salau kishte shkruar në Twitter se po atë mëngjes ishte keqtrajtuar nga një mashkull në Park Avenue. Ajo gjithashtu kishte shkruar se si ky burrë i kishte ofruar transport falas deri në kishë.
Pas këtij incidenti ajo i kishte telefonuar policisë, duke mos u treguar se për të cilën kishë bëhej fjalë. E disa persona ishin shprehur të gatshëm për t’i ofruar ndihmë, duke i shkruar në Twitter.
Megjithatë ende nuk dihet nëse i arrestuari Aaron Glee, është personi që e kishte keqtrajtuar Salau. Kujtojmë që Salau ishte aktiviste e “Black Lives Matter” dhe vazhdimisht fliste për protestat e organizuara në Tallahassee.
