Kandidati për deputet nga radhët e Partisë Demokratike të Kosovës, Ferat Shala ka bërë të ditur se aktivisti i Nismës Socialdemokrate, Eqrem Berisha, ka aderuar në PDK.
Përmes, një postimi në profilin e tij në Facebook, Shala ka shkruar se Berisha, ka vendosur që rrugëtinin e tij politik ta bëjë në vatrën më të ngrohtë për të gjithë veteranët e luftës.
Sipas tij, PDK mbetet kurdoherë parti e vlerave liridashëse e shtetformuese.
Postimi i tij i plotë:
Eqrem Berisha është njeri i veçantë. Ai kurrë nuk është bosh, gjithmonë me plot humor, plot mirësi dhe energji pozitive. Me lojën prej aktori të talentuar, me humorin origjinal, shpesh edhe me ironinë therëse, që prej shumë vitesh ai i na i bënë jetët tona më të hareshne, më fisnike. Bisedat me Eqremin gjithmonë janë përjetim i veçantë për mua, sepse bashkë ndajmë shumë kujtime të luftës dhe të angazhimeve të përbashkëta në UÇK. Ish-aktivist i NISMA Socialdemokrate, tani ai ka vendosur që rrugëtimin politik ta bëjë me Vatrën më të ngrohtë për të gjithë veteranët e luftës.
PDK mbetet kurdoherë parti e vlerave liridashëse e shtetformuese, parti e vizioneve të qarta për të ardhëm e të gjithë qyetetarëve të Kosovës./FrontOnline/