Katër persona janë lënduar si pasojë e një aksidenti të rëndë që ka ndodhur sot rreth orës 17:00 në Ferizaj, konkretisht në rrugën Varosh-Gërlicë.

Lajmin për Front Online e ka konfirmuar Kanun Veseli, zëdhënës i policisë për rajonin e Ferizajt.

Veseli tha se të lënduarit janë dërguar për trajtim në Qendren Emergjente në Ferizaj, derisa siç tha ai për shkak të gjendjes shëndetësore njëri prej të lënduarve është transportuar për trajtim të mëtejshëm në Qendrën Klinike Universitare të Kosovës në Prishtinë.

Ai theksoi se në këtë aksident ishin të përfshirë dy automjete me targa vendore.