[wp-story]

Bota/Rajoni

Ahmeti: Morëm 100 mijë vota, kemi 12 deputetë

Ahmeti: Morëm 100 mijë vota, kemi 12 deputetë
08:09 | 16 Korrik 2020

Kryetari i BDI-së, Ali Ahmeti deklaroi se partia e tij është fituese absolute e zgjedhjeve të parakohshme parlamentare në Maqedoninë e Veriut.

Para turmës së mbështetësve dhe mediave, ai tha se kanë marrë mbi 100 mijë vota si dhe kanë siguruar 12 deputetë në Kuvendin e ri maqedonas.

Ahmeti tha se janë në rrugë të drejtë për mandatin e 13.

“Jemi fitues absolut të zgjedhjeve. Kemi siguruar 100 mijë vota dhe 12 mandate dhe jemi për mandatin e 13. Edhe njëherë do të doja nga zemra t’ju falënderoj dhe suksese se tashmë na presin detyra të mëdha”, deklaroi Ahmeti.

Kur janë numëruar mbi 90% të votave, BDI ka marrë rreth 12% të votave. Në nivel vendi, ata janë të tretët pas koalicionit “Mundemi” të LSDM dhe vendit të dytë VMRO-DPMNE.

“Petrol Company” ndihmon më shumë se 200 familje për festën e Fitër Bajramit (VIDEO)

Të tjera