Kryetari i Komunës së Prishtinës, Shpend Ahmeti ka treguar se shteti i Kosovës deri më sot i ka të pashpenzuara më shumë se 1 miliardë euro.

Mjete këto që janë mbledhur nga Administrata Tatimore e Kosovës dhe Doganat, përcjell FrontOnline.

Përmes, një postimi në profilin e tij në Facebook, Ahmeti ka shkruar se ky ëhstë paradoksi më i madh i situatës në Kosovës që ka pasoja marramendëse.

Postimi i tij i plotë:

Bashkqytetarë të nderuar:

Paradoksi më i madh i situatës në Kosovë që ka pasoja marramendëse tek ne!

Shteti/qeveria i/e Republikës së Kosovës i ka në bankë qendrore të mbledhura nga ATK e Doganat e të pashpenzuara sot më 18 Nëntor 2020 më shumë se 1 (miliardë) Euro.

Po, Po mirë e lexuat – 1 MILIARDË EURO!

Prej vendimeve që qeverisë së kaluar për ndalimin e Investimeve Kapitale e deri te moslëvizja e qeverisë së tanishme janë akumuluar fonde marramendëse. Kur teoria kryesore në krejt botën është e shpenzimeve e kërkesës agregate, ne kemi shkuar në drejtimin e kundërt me kursime.

Krejt bota merr kredi për të futur kapital të shumënevojshëm në ekonomi, ne kemi marr para nga ekonomia dhe po i mbajmë në bankë.  PRA, përveç krizës ne kemi marr nga qytetarët dhe nuk kemi gjet mënyrë me e kthy.

Ne spaskemi nevojë as të kreditohemi as të shpikim shpenzime e transfere nga trusti.  Vetëm gjysma e këtyre fondeve të kthehej në këtë periudhë përmes programeve kreative do të kishte ndikim të madh.

Nuk është koha për konzervatizëm e kontabilitet.  Është koha për kreativitet e shpenzim./FrontOnline/