Ish-zëvendëskryeministri në Qeverinë Kurti, Haki Abazi ka thënë se shpallja e vendit në gjendje të jashtëzakonshme është formë për të manipuluar me procesin e dialogut.
Ai tha se kryeministri i vendit, Avdullah Hoti po paralajmëron se mund të shpallet gjendje e jashtëzakonshme në vend, pasi sipas tij ky ka qenë kushti për të miratuar PDK-ja buxhetin e rishikuar dhe hyrjen në Qeverinë e vendit.
Abazi përmes një postimi në Facebook tha se Ligji për menaxhimin e COVID-19 u refuzua, teksa tha se drejtimi i vendit drejt gjendjes së jashtëzakonshme është lojë me zjarr për Qeverinë.
“Ligji për menaxhimin e COVID 19 u refuzua ndërsa po drejtohet vendin drejt shpalljes së gjendjes së jashtëzakonshme nga ana e qeverisë Koti. Kjo është lojë me zjarr e qeverisë Koti. Kjo është forma për të manipuluar procesin e dialogut sepse asnjë gjendje e jashtëzakonshme nuk e ndërton e as nuk e zëvendëson besimin qytetarë në luftën me pandeminë. Koti po lajmëron gjendje të jashtëzakonshme që në fakt paska qenë kushti për ta miratuar PDK buxhetin e rishikuar dhe potencialisht hyrjen në qeverinë e zgjeruar Koti”, shkruan Abazi.
