Lajme

AAK zyrtarizon kandidatin për kryetar të Pejës

AAK zyrtarizon kandidatin për kryetar të Pejës
16:04 | 11 Nëntor 2020

Arbër Grabovci është nominuar si kandidat për kryetar të komunës së Pejës nga Aleanca për Ardhmërinë e Kosovës.

Këtë e ka bërë të ditur me anë të një postimi në Facebook, kryetari i AAK-së, Ramush Haradinaj.

“Besimi im në Arbërin buron nga vlerat e tij dhe familjes atdhetare ndër breza. Kam bindje të plotë se Peja do ta mbaj mend Arbërin si kryetar që gërshton të gjitha vlerat që i posedon qyteti i zemrës time Peja”, ka shkruar Haradinaj.

Postimi i plotë:

Sot, së bashku me Dr. Ali Berisha, kryetar i degës së AAK-së në Pejë nominova z. Arbër Grabovci, kandidatin tonë për komunë, kryetarin e ardhshëm të Pejës.

Besimi im në Arbërin buron nga vlerat e tij dhe familjes atdhetare ndër breza. Kam bindje të plotë se Peja do ta mbaj mend Arbërin si kryetar që gërshton të gjitha vlerat që i posedon qyteti i zemrës time Peja.

Arbërin, si një ndër themeluesit e parë të degës në Pejë, një qytetar i ndershëm dhe i përkushtuar, që tani e uroj si kryetar të Pejës.

Kush ështe kosovari THE VICTOR që synon tregun e jashtëm? (video)

Të tjera