[wp-story]

Lajme

AAK – Lajçakut: E përshëndesim angazhimin e BE-së në dialogun e udhëhequr nga SHBA

AAK – Lajçakut: E përshëndesim angazhimin e BE-së në dialogun e udhëhequr nga SHBA
14:08 | 17 Qershor 2020

I dërguari i posaçëm i BE-së në dialogun Kosovë – Serbi, Miroslav Lajcka ka qëndruar sot në Aleancën për Ardhmërinë e Kosovës, ku është pritur nga zëvendëskryeministri i parë, Besnik Tahiri, Ministrja e Punëve të Jashtme, Meliza Haradinaj dhe Selim Selimi, ministër i Drejtësisë.

Për takimin ka shkruar në Facebook, Selim Selimi, Ministër i Drejtësisë, që tha se Lajçakut ja kanë prezantuar përkushtimin e AAK-së, për dialogun, si dhe qëndrimin e tyre për marrëveshjen gjithëpërfshirëse, që rezulton me njohje të shtetit në kufijtë ekzistues.

Postimi i plotë:

Në takim me të dërguarin e Posaçëm të BE-së, Miroslav Lajčák, prezentuam përkushtimin e AAK-së për procesin e dialogut dhe qëndrimin e pandryshuar për arritjen e marrëveshjes gjithëpërfshirëse ligjërisht obligative, e cila duhet të rezultojë me njohje reciproke në kufijtë ekzistues.

Roli aktiv i ShBA-së në dialog, për të cilin ka qenë i zëshëm dhe këmbëngulës në vazhdimësi kryetari Haradinaj, ka rritur shpresat që dialogu Kosovë-Serbi, i zgjatur për një dekadë, do të finalizohet me njohje reciproke në kufijtë ekzistues.

Për shkak të qëndrimeve të ndryshme përbrenda BE-së në lidhje me ndryshimin e territoreve, ka ndodhë një lëkundje e besimit. Megjithatë, Aleanca përshëndetë angazhimin e BE-së në dialog, nën udhëheqje të ShBA-së. Në kuadër të takimit, ritheksuam, se BE para së gjithash, pas plotësimit të të gjitha kritereve, Kosovës t’i jap një vendim të shpejtë për heqjen e regjimit të vizave.

Bonus dhe Premium Kartela të cilat po i ofron Petrol Company, kartelat më të kërkuara nga klientët

Të tjera