Gjuha:
×
  • Lajme
  • Lajme

    AAK kundër Kryeministrit, Ministri i Drejtësisë thotë se u befasua kur Hoti propozoi shuarjen e Task-forcës

    FrontOnline
    2 vite më parë

    Ministri i Drejtësisë, Selim Selimi në një intervistë për “Betimi për Drejtësi” sa i përket shfuqizimit të Task-forcës nga Qeveria Hoti ka thënë se për përmirësimin e institucioneve fillimisht duhet të bëhet një matje e punës, në këtë rast edhe për Task-forcën kundër korrupsionit.

    Selimi ka thënë se “nëse nuk ka një matje dhe një analizë të mirëfilltë, çdo ndryshim i menjëhershëm i atu për atyshëm e dëmton rrjedhën e çdo institucioni”.

    “Sa i përket Task-forcës unë e kam shprehur qëndrimi tim edhe në mbledhje të Qeverisë gjithashtu e kam lexuar edhe reagimin e IKD-së që unë mendoj që është një reagim i bazuar me argumente valide. Ne normalisht e kemi për obligim t’i përmirësojmë institucionet tona. Ai përmirësim duhet të bëhet me një matje. Ajo matje e punës së çdo institucioni duhet neve të na sugjeroj se çka duhet të ndryshohet dhe çka duhet të forcohet dhe mendoj që nëse nuk ka një matje dhe një analizë të mirëfilltë çdo ndryshim i menjëhershëm i atu për atyshëm e dëmton rrjedhën e çdo institucioni”, ka thënë ministri i Drejtësisë, Selim Selimi në një intervistë për “Betimi për Drejtësi”.

    Ai është shprehur se ka qenë i befasuar me këtë propozim, pasi sipas tij, pika për shfuqizimin e Task-forcës është bërë në mbledhje të Qeverisë.

    “Unë kam qenë i befasuar sepse e kanë bërë në mbledhje të Qeverisë pikën për shfuqizimin e vendimit të Task-forcës edhe pa paragjykime edhe unë e di që ka pikëpyetje për çdo institucion duke përfshi edhe punën e Ministrisë së Drejtësisë. Ne nuk e bëjmë punën perfekt, por mësohemi edhe nga gabimet tona, mësojmë edhe nga shoqëroi civile dhe nga mediat edhe nga ekspertët edhe mundohemi më bë punë ma mirë. Por ato pikëpyetje ne u dashtë me i shtru dhe me i diskutu me ekspert me polici dhe prokurori me EULX-in, i cili ka qenë pjesë e asaj Task-force”, ka thënë Selimi tutje.

    Ministri i Drejtësisë ka thënë se shuarja e menjëhershme e Task-forcës i ka dhënë pasiguri, pasi kjo Task-forcë ka qenë duke i hetuar disa raste të profilit të lartë.

    “Po shuarja e menjëhershme mu më ka dhënë pasiguri kjo pasiguri e imja shprehet në rastet konkrete. Ajo Task-forcë ka pasur për obligim sa e di unë nga mediat edhe si është raportu që ka qenë në hetim të disa rasteve të profilit të lartë, raste të profilit të lartë ne e dimë çfarë janë se janë kanë të targetuara dhe kanë qenë nëpër media dhe ne i dimë tani botërisht edhe mendoj që çdo venim politikë i menjëherë i tillë potencialisht po flas si jurist mund ta dëmtoj një proces juridik. Kjo mu më ka shkaktuar pasiguri edhe e ka shkaktu qëndrimin tim që mund të jetë e ngutshme dhe ende qëndroj prapa asaj që mund të jetë e ngutshme”, ka thënë Selimi.

    Ai ka shtuar se mund të krijojnë Task-forca të reja, por sipas tij, nuk duhet të jenë një efekt i një vendimi të menjëhershëm.

    “Tash në mund të bëjmë Task-forca tjera, ne mund të bëjmë do të thotë organizime të tjera institucionale, por këto organizime tjera nuk duhet të jenë një efekt i një vendimi të menjëhershëm, por duhet të jetë një rrjedh evolutive e përmirësimit të institucioneve tona”, ka thënë Selimi.

    Ndryshe, Instituti i Kosovës për Drejtësi (IKD), kishte reaguar lidhur me propozimin e Qeverisë së Kosovës për shuarjen e Departamentit Special Anti-Korrupsion në Policinë e Kosovës.

    Sipas IKD-së, ky propozim vendim për shuarjen e Task Forcës, ishte në kundërshtim me procesin e Rishikimit Funksional të Sektorit të Sundimit të Ligjit, hedhë poshtë të gjitha investimet e bëra nga partnerët ndërkombëtarë në profilizimin e hetuesve në luftën kundër korrupsionit dhe paraqet mesazhin më të keq për institucionet e pavarura se kushdo që vepron në kundërshtim me interesat e politikës, do ta ketë fatin e njëjtë.

    Në këtë drejtim, IKD i kishte Qeverinë e Kosovës që mos të ndërmerr veprime të një anshme, që cenojnë drejtpërdrejtë politikat e veta, duke marrë vendime, të cilat në publik kuptohen si vendime të marra në qëllim të kapjes së institucioneve të pavarura.

    Për më tepër ndiqeni intervistën e plotë të ministrit të Drejtësisë, Selim Selimi.

    Më mirë në Kosovë se në Gjermani
    Nga Rubrika
    Lajme29 Mars 2023
    Deputeti i VV-së, Arbër Rexha, ka thënë se nëse Gjykata Kushtetuese e rrëzon Presidenten për shkak të ankesës së ish-deputetit të minoriteteve, Veton...
    Lajme29 Mars 2023
    Mot stabil ditëve të ardhshme dhe rritje e temperaturave.  Në fundjavë ndryshueshëm, priten edhe rrebeshe shiu me bubullima. 29.03.2023 – Mot më...
    Lajme29 Mars 2023
    Ministri i Qeverisë Kurti, Hajrulla Çeku derisa foli për aneksin e zbatimit të marrëveshjes me Serbinë, tha se edhe mund të bëhet...
    Të tjera
    Lajme29 Mars 2023
    Ish-gjyqtari i Gjykatës Kushtetuese, Kadri Kryeziu, vlerëson se gjyqtarët dhe prokurorët në Kosovë janë të nivelit evropian. Kryeziu, në Rubikon në Klan...
    Bota/Rajoni29 Mars 2023
    Një ngjarje e rëndë ndodhi pasditen e sotme në qytetin e Kavajës, ku mbetën të vdekur dy 43-vjeçarët Edmond Gosa alias Armand...
    Lajme29 Mars 2023
    Kryeministri Kurti në emisionin Debat Plus ka folur për vendimin e Gjykatës Kushtetuese pasi e shpalli të pavlefshëm Ligjin për Ndryshimin dhe...
    Sport29 Mars 2023
    I ftuar sonte në emisionin Pressing në Televizionin T7 është Ministri i Ministrisë së Kulturës, Rinisë dhe Sportit, Hajrulla Çeku. Ndër tjera,...
    Bota/Rajoni29 Mars 2023
    Ashtu edhe siç ishin pritshmëritë, makina e parë elektrike turke pritet të jetë një sukses i vërtetë dhe këtë e tregojnë dhe...
    Kronika29 Mars 2023
    Një 66-vjeçar është gjetur nga familjarët e tij pa shenja jete në shtëpi. Ngjarja e rëndë ka ndodhur në Prizren. Rastin e...

    FrontOnline, © 2023 Të gjitha të drejtat e rezervuara.